من باب قتل وقت الفراغ


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا ترتخي نظرات عينك وهي فوق = وانتي شموخ الحب واسمى معانيه
حرام ... جرح القلب والقلب محروق = ودفن المشاعر تحت صلف المشاريه
ما كنّي من الدم واللحم مخلوق = انسان .. وظروفه تشيّب نواصيه
قِلّة وفق .. وهمومٍ تسوقني سوق = تقول .. والا اقول من غير تشبيه
القلب دونه صدر .. والصدر صندوق = ضاعت مفاتيحه على اقصى خوافيه
يا بنت انا لو كان لي حق محقوق = واللي عليه الحق ملزوم يدّيه
تردّني الشيمه ويدفعني الذوق = واقول انا ما ابيه .. لو انّي ابيه
ما يقنع اسماعي صدى كل منطوق = حتى اني اطرب له .. وافكّر اجاريه!
هذا مجرّد راي والراي موثوق = وانتي قبل لا اقفّل العلم .. وانهيه
روحي فمان الله .. وان هـزك الشـوق=رشّي دموعك فوق ذكراي .. واسقيه! [/poem]

khalid@mergab.com