حامد المطيري

.
..
لا ترتخي نظرات عينك وهـي فـوق
وانتي شموخ الحب واسمى معانيـه
حرام ... جرح القلب والقلب محروق
ودفن المشاعر تحت صلف المشاريه
ما كنّي من الـدم واللحـم مخلـوق
انسان .. وظروفه تشيّـب نواصيـه
قِلّة وفق .. وهمومٍ تسوقنـي سـوق
تقول .. والا اقول من غيـر تشبيـه
القلب دونه صدر .. والصدر صندوق
ضاعت مفاتيحه على اقصى خوافيـه
يا بنت انا لو كان لي حـق محقـوق
واللي عليـه الحـق ملـزوم يدّيـه
تردّنـي الشيمـه ويدفعنـي الـذوق
واقول انا ما ابيه .. لو انّـي ابيـه
ما يقنع اسماعي صدى كل منطـوق
حتى اني اطرب له .. وافكّر اجاريه!
هذا مجـرّد راي والـراي موثـوق
وانتي قبل لا اقفّل العلـم .. وانهيـه
روحي فمان الله .. وان هزك الشوق
رشّي دموعك فوق ذكراي .. واسقيه!




بالتأكيد القصيده حلوه وجميله ,,,,








بس








تبي الصراحه ,,, حقيقه فاقد فيها روح خالد الحصين ... فيها روح مختلفه هالقصيده ,, هل هي بداية لمرحله شعريه جديده .. أم محاوله للخروج من إيطار الشخصيه الشعريه للرائع خالد الحصين إلى فضاءات شعريه ومجالات ابداع اخرى





صح السانك ياخالد وصحت كل فضاءاتك الأبداعيه السابقه واللاحقه ...



تحياتي / حامد

	أن الزيف قد يقتات بالفطنة.. وسقط القول قد يعلو بأجنحة من الترديد

صلاح عبدالصبور
..........

،
،
،

	قال المثل لا تتبعون المقفين لكن أنا باتبعك لو كنت مقفي