منتديات المرقاب الأدبية - عرض مشاركة واحدة

03-03-2006, 01:53 PM

فداك النفس ياأغلامن حياتـي والعمـر مخلـوف
إذانفسـي فـداك مبشّـره بالخـيـر والخـيـره
فداك أمي ..وأبويه آآه ياليت الحـروف سيـوف
لاجرّدهابوجه اللي خـدش لـك بالـورى سيـره
ياأكبرمن قصيدي مايوفّـي فـي ثنـاك حـروف
ياأبلغ مـن خيالااتـه ..وتعبيـره ..وتصويـره
ياأطهرمن خلق ربي من النـادر إلـى المألـوف
ياأنـدر مـن عبـد ربـي بتهليلـه ..وتكبيـره
ياأول من جمعنا ..واحتضنا من شتـات الخـوف
ونـوّرنـا بتنـويـره ..وبشّـرنـا بتبشـيـره
ياأجدر من حمل حملٍ تحت حملـه تليـن كتـوف
=وهاجربـه لطيبـه ..بامرمـن ربـه وتدبيـره
ياأغلا من حضر ..وأنصاره لشوفه تدق دفـوف
تغنّـي للفـرح مستبشـره بالجـار ..والجيـره
ياأطيب من دعا للخير ..واتباعـه وراه صفـوف
مجنّدهـم لنشـر الديـن مـن ديـره ليـاديـره
ياأصدق من صدع بالحق ..والتوحيد ..والمعروف
ياأرقـى مـن جنـا بقلوبـنـا حبه..وتقـديـره
ياأثبت من وقف في وجه من ساقوا عليه حتـوف
على قلّـة جنـوده ..دكّـت الشـرك وطوابيـره
ياياأشجع من رفع صوته على البيت العتيق يطوف
يحطّم في صروح الشـرك معلـن يـوم تدميـره
ياأكرم من عفا عن قومه اللي جرّعـوه صنـوف
من ألوان العـذاب ..وبـادل المذنـب بتحريـره
ياأبلغ من نطق باأروع بيانه والجمـوع وقـوف
سحر لـبّ العقـول ..ووحّـدت ربـي بلاحيـره
ياأرحم من فتح قلبـه مـلاذ الخايـف الملهـوف
ودلّـه للأمـان ..بصـدق تبشيره..وتحـذيـره
ياأحكم من جعلنـا سـادة العالـم كبـار شفـوف
حملنـا نـور ديـنٍ نـوّر الدنـيـا بتنـويـره
ياأرفع من تفاهات السذاجه مـن يديـن ضعـوف
يحاول حقدهم يقضـي علـى مجـدك بتزويـره
ياأنقا من سخافتهم ..مكانك لـو تجـي وتشـوف
تجـاوز كـل حـدّ ..وفعلهـم ساهـم بتكبـيـره
عليهم لعنة الله ..وأنت تكـرم حقدهـم مكشـوف
ولوقاموا بخبث ..ومكر ..بيـن النـاس تمريـره
عليهم لعنة الله..من زمنـك وغدرهـم ملفـوف
سوايا لاجلهـا صـدر الشمالـي فـك أزاريـره
عليهم لعنة الله ..والغضـب لاف الحنـاي لـوف
شراييني توقّـد بيـن نـار الحـب... والغيـره
عليهم لعنة الله ..وأنت حبّك جـاوز الموصـوف
وقـدرك فـوق ..يامـن دانـت الدنيالتطـويـره
عليهم لعنة الله ..وآتسآآل ..والهموم ضيـوف !!
متى نقوى؟؟ونقطع دابـرة عابـد خنازيـره ؟!!
متى ؟مدري متى!وابنـي لتغريدالحلـوم رفـوف
وأعزّي حالنا ..وأسأل :متى نفـرح بتغييـره ؟؟
متى ؟مدري متى !!(حتى يعودالشوف للمكفـوف)
إجابه تختصرني من وجـع مليّـت نتكريـره !!

--------------------
صلى الله على سيدنا محمد ...

ابو شاهر

بيض الله وجهك

ولا نستغرب منك الغيرة على نبي الأمة

ولا نستغرب منك الجزالة

لله درك

دمت بخير

لك احترامي وتقديري

.