:
:
بلشت في الذاهبـه و ابطيـت ادورهـا
واستكثـرت لاتعلمـنـي باراضيـهـا
اللـي بعـد كـدّت الفرقـا ظفايـرهـا
ما عاد في البال طـاري غيـر طاريهـا
يزورنـي طيفهـا و آخيـل ناظـرهـا
واسمع سواليفهـا فجـأه.. واحاكيهـا
غابـت ولا قصـت الايــام دابـرهـا
كـل الاماكـن احـس بروحهـا فيهـا
ياكثر ما كنـت اداري ضيـق خاطرهـا
حتى على حساب روحي كنـت اداريهـا
كنت اتحاشـى الكـلام اللـي يكدرهـا
وكانت على اي شي تزعل لاجل اراضيها
اقسـم بـرب السمـا مانيـب خابرهـا
الاّ انها ..في ذرى الـروح ومحانيهـا
مكانها اللـي تعرفـه عنـد شاعرهـا
تجيـه فـي ايـات وقـت الله يحييهـا
عناد النفيعي
أقسم بالله اني داخل المرقاب مخصوص ادوّرها
يا كبرك بعين الشعر يا مبدع
وبيض الله وجهك على ما تقدم من تميّز وتفرّد وتغريد مغاير
صح الله لسانك يا ابو سالم
ودام تألقك
تحيتي
:
:
ا
خ
و
ك
|