صار السهر ديرتي والهـم عنوانـي
اليـاس بينـي وبينـك صـك بيبانـه
انا سجين المحبـه وانـت سجانـي
في غيبتك يقهـر المحـروم حرمانـه
احتل طيشك جباروتـي وسلطانـي
طوعتنـي فـي غرامـك دل وميانـه
عيشتنـي بيـن خلـق الله وحدانـي
عزلتني عـن مـدى كونـي وسكانـه
ناديتني للضيـاع وطعـت شيطانـي
دعيتنـي للجمـال وجيـت لاوطانـه
علمتني كيف احب وكيـف تهوانـي
رتبتنـي للطريـق وصـرت عنوانـه
اقنعتي بأنك اغلا واجمـل اوطانـي
سافرتبـي للبحـر واغرقـت ربانـه
حطيتني قدم حـد سيـوف عدوانـي
زرعتنـي للمصيـر احيـا علشـأنـه
شجعتني للوفـاء والغيـت حرمانـي
سلمتني قلب واطيـب قلـب وانسانـه
قربتني من دفاك وعشـت بردانـي
ابعدتني عن جفـاك وذقـت هجرانـه
وريتني ماتضـم اشكـال والوانـي
دخلتنـي معبـدك واطفيـت نيرانـه
جلستني فوق عرش الملك واغرانـي
اسقيتني من كفـوف يديـن عطشانـه
ياسـيـدي لاتولعـنـي وتنسـانـي
الحـب مايرحـم العشـاق سلطـانـه
صبري وصبرك نفد من دون برهاني
اسهـم هوانـا مـع الايـام خسرانـه
حبك سكن داخلي واحتـل وجدانـي
تقديـرك امـوت مايختـل ميـزانـه


/
/
/

الله ..
الله ..
الله ..
الله ..


راشد الرياحي ..
قصيده ماعليها كلام .. وشاعر متميز .. وحضور الشعر في اجمل حلله ..

صح لسانك .. صح لسانك .. صح لسانك ..

ياسـيـدي لاتولعـنـي وتنسـانـي ..
ــــــــ .. الحـب مايرحـم العشـاق سلطـانـه ..

هذا الكــلام ..

جدد الاعجاب والمتابعه .. والتقدير والووود ..