منتديات المرقاب الأدبية - عرض مشاركة واحدة

12-05-2006, 09:45 PM

يا نجوم الليل يالزرق السماويـه
ان سئلتك بأسم ربي وش تقولينا
فاقدٍ لي غاليٍ مـا شاقنـي زيـه
من ثمان ايام لا رحانا ولا جينـا
والله انّا ما نبا نرجـع عزوبيـه
مير كن ظروفنا بالحيـل تغلينـا
منتدب فالحج ساكـن فالعزيزيـه
وان لحقنا الزام موترنـا يودينـا
صف ظابط واحمل شعار السعوديه
جعلي فداها من المينا الى المينـا
منبع الاسـلام والمنهـاج سنيـه
من مكلنا يا عسى ربي لا يخلينـا
وانت ياللي تلحق الكيه ورى الكيه
خاف ربك لاتميل ابـك الموازينـا
العرب فالعيد كلـن جـاه عيديـه
عيدك مبارك عسى ما انته بناسينا
كل ما جتني رساله في موباليـه
قمت ادقق كيف والا جات من وينا
عقب كنت اقرا رسايلك الغراميـه
في محيط العين لامن جات فالعينا
صرت ادورها تجي لو كان عفويه
لجل اصيد ارسال جوالك يا غالينا
سامح الله شركة الجـوال هاذيـه
برجها يا كم فرق ما بين الاثنينا !

والله انك تجبر اللي مايعرف الشعر يتابعك

شاعر عجيب و بدعك فريد ,,

صح لسانك لين ترضى يابو منصور

سلامي ومحبتي