ياخي لي اسبـوع واخلاقـي تجاريـه
ميد ان تشينا ماهي ميـد ان جابانـي
ظاقت عليّـه ومـع كبـر السعوديـه
اقول ياصغرها مـن هاجـسٍ جانـي
ياخـوي مافـي بنـات اليـوم حنيّـه
والحب بالوقـت هـذا لعـب بزرانـي
حبيت لي بنت واحسبها علـى النيـه
واقـول ياحليلهـا هالبنـت تهوانـي
ببدايـة المسألـه كـانـت مثالـيـه
ولاعلى لسانهـا الا ذكـر (سلطانـي)
حبيّبـه صادقـه حلـوه رومنسـيـه
لو قالت ابغى عيونك ترخص اعيانـي
وفي ليلـة ٍ مظلمـه ماهيـب ورديـه
نايم عقب ماقضيـت الليـل سهرانـي
جوالـي بحـروة الثنتيـن فجـريـه
نسيت احطه على (الصامت ) وصحّاني
رديت واوحيت صوتٍ مااخبـر زيّـه
فيه الدلـع والغنـج والثقـل ربانـي
قلت ارحبي قالت ابقـه قلـت يابنيّـه
من انتي؟ ووش على هالفجر طرانـي
قالـت حبيبتـك ياسلطـان هـاذيّـه
صديقتي من زماني وشانهـا شانـي
لكنهـا خانـتـك ماهـيـب جـديّـه
واصبح معك في هواها واحدن ثانـي
حاولـت ابخلـي الاوضـاع سـريّـه
لكن جرح الغـدر والصمـت عناّنـي
تمشي على مبدأ (الغير الولـد ميّـه)
واقول حتى البنات اشكـال وألوانـي
مانـي بزعـلان والدعـوى طبيعيـه
بالعكس توّي صحيت وربـي انجانـي
والنفس ماهـي بهالاشكـال مشقيّـه
قولي لها تمسـح ارقامـي وتنسانـي
ماعاد لي فـي دروب الحـب موليّـه
وشوله اخلص واذوق المر واعانـي؟
مـدام هـذي هـي افعـال الهواويـه
البعد خيره عـن اللجـه والاحزانـي
لابـوه لابـو العلاقـات الغرامـيـه
اللي بهـا مخاشـره بفـلان وفلانـي
ياوجه الله ياسلطان
والله من أجمل ماقرأت ،، راقت لي بالفعل
لله درك وصح لسانك وسلمت
اخوك
|