لبيه ياصوتٍ ليـا مـر الأسمـاع
كل الصموت من الغـلا يستثيـره
أعوي لشوفه عوية الذيب لاجاع
واتوق له توق الوحش من جريره
وافز له فـزّة محـبٍ ومطـواع
وأجعل له النفس الكبيره صغيـره
هذي مرابيعه هنا بين الأضـلاع
روض الحشا قفرٍ من الناس غيره
لعلني حذوة رجيله عـن القـاع
في جلسته في وقفته في مسيـره
ولعل حالي بينه وبيـن الأوجـاع
واشيل عنه المعضلات الضريـره
الله
الله
تبقى علم ويبقى شعرك مرفرف
ابومحمد
صح لسانك على هذا النهج الطيّب والشعور الصادق
تحيتي وإعجابي .,
|