الغالي
كلاش
صح لسانك ..
قصيدة رائعة .. في كل ركن فيها أفق عال للشعر
أعتقد أنها تصلح لتكون مقياسا للشعر فما تناغم معها فهو الشعر
وما قصر دونها ( يرحمه الله ) ..
صياغة فذّة بمفردات منتقاه بدقّة وحرفيّة لا يجيدها إلا الشاعر المتمكّن
وتسلسل متميّز يضيف للقارىء متعة المتابعة دون توقف ..
لم أجد مقطعا لأختاره فالمنافسة بين الأبيات كانت شديدة ، وكلٌ منها يرقى
ليحفظ مكانه في القمّة ..
الشوق عمره طويل ولا علـى الصبـر زود
وان طال عمر الجفا جف القلـم والكـلام
اخايـل الشعـر وبروقـه حديـث الرعـود
ويسمي الخير وجروحـي حديـث الظـلام
ما اقول صدري هو اضيق صدر في هالوجود
لكنّي احس بيـن ضلـوع صـدري غـرام
اعيش جـو السعـاده بالدعـاء فالسجـود
لا طـرّف الليـل ثلثينـه وعـز المـنـام
الله يخلـي لقلبـي ضحكـة اربــع ورود
ويـرد لعيونـي الظميـا سمـي الغـمـام
انسان واملك من الاحساس فـوق الحـدود
لو لحّـقوني على احساسـي عتـاب ومـلام
عالـم لـك الله يافيهـم غـزارة بــرود
مـدري بـرودة وجـه ولا بـرودة عظـام
طبيعتي لا انكشف ستر الزمن عن جحـود
اقابلـه بابتسـامـه واتـركـه باحـتـرام
وان طق صدري رفيقي من عنـاه محـدود
ابـشـره بالسـعـد قــدام رد الـسـلام
وان قال وشلونك وحالـي حبيسـة قيـود
اقـول لـه طيـب وكلـش علـى مايـرام
ممنون الايـام لا هانـت عيـون الحسـود
لا طولـت بالهـا حـظ التناهـيـد قــام
لو للمقاديـر مـع وجـه البـن ادم وعـود
ان كـان مـرت مصايبنـا مـرور الكـرام
لكنهـا حكمـة الله والنصـيـب معـقـود
الله يديـم السعـاده فـي وجيـه الانــام
ياليت شعري ,, الا ليـت الليالـي تعـوود
يـوم التجافـي دقيقـه كنـه فـراق عـام
اسألك باللـي جعـل كلـك رهـاوة عـدود
لا تبطـي عيونـي الثنتيـن منهـا حيـام
شفني عدو الرقـاد اللـي جفـوه الرقـود
الا السهر له على عينـي مضـارب خيـام
صدقني انـي فقدتـك والجـوارح شهـود
ارجـوك لا تعتبـر بعـدك سبيـل انتقـام
أي والله اخطيت في حقـك وجيـت مهـدود
والعـذر فـي ذمتـي ماهـوب قـد المقـام
اخطيت والبعد يوجعنـي ولا انـت محـدود
تحـط بينـي وبينـك فالمحـبـه نـظـام
لو الخطاء بين خلـق الله جـزاه الصـدود
ماعاش فـي هالزمـان الا ّ عيـال الحـرام
عشت الغلا فـي شبابـه لا تخليـه عـود!
العود ما يطلـب الله غيـر حسـن الختـام
يـارب قرّيـت عينـي منـك باربـع ورود
لاتحـرم عيونـي الظميـا سمـي الغمـام
ماشاء الله ..
دمت بألف خير
|