منتديات المرقاب الأدبية - عرض مشاركة واحدة

08-08-2006, 12:59 PM

الشوق عمره طويل ولا علـى الصبـر زود
وان طال عمر الجفاء جف القلـم والكـلام
اخايـل الشعـر وبروقـه حديـث الرعـود
ويسمي الخيـر وجروحـي حديـث الظـلام
ما اقول صدري هو اضيق صدر في هالوجود
لكني احس بيـن ضلـوع صـدري غـرام
ااعيش جـو السعـاده بالدعـاء فالسجـود
لا طـرف الليـل ثلثينـه وعـز المـنـام
الله يخلـي لقلبـي ضحكـة اربــع ورود
ويـرد لعيونـي الظميـا سمـي الغـمـام
انسان واملك من الاحساس فـوق الحـدود
لو لحقوني على احساسـي عتـاب ومـلام
عالـم لـك الله يافيهـم غـزارة بــرود
مـدري بـرودة وجـه ولا بـرودة عظـام
طبيعتي لا انكشف ستر الزمن عـن جحـود
اقابلـه بابتسـامـه واتـركـه باحـتـرام
وان طق صدري رفيقي من عنـاه محـدود
ابـشـره بالسـعـد قــدام رد الـسـلام
وان قال وش حالك وحالـي حبيسـة قيـود
اقـول لـه طيـب وكلـش علـى مايـرام
ممنون الايـام لا هانـت عيـون الحسـود
من طيـب فزعاتهـا حـظ التناهيـد قـام
لو للمقادير مـع وجـه البـن ادم وعـود
ان كـان مـرت مصايبنـا مـرور الكـرام
لكنهـا حكمـة الله والنصـيـب معـقـود
الله يديـم السعـاده فـي وجيـه الانــام
ياليت شعري ,, الا ليـت الليالـي تعـوود
يـوم التجافـي دقيقـه كنـه فـراق عـام
اسألك باللـي جعـل كلـك رهـاوة عـدود
لا تبطـي عيونـي الثنتيـن منهـا حـيـام
شفني عدو الرقـاد اللـي جفـوه الرقـود
الا السهر له على عينـي مضـارب خيـام
صدقنـي انـي فقدتـك والجـوارح شهـود
ارجـوك لا تعتبـر بعـدك سبيـل انتـقـام
أي والله اخطيت في حقـك وجيـت مهـدود
والعذر فـي ذمتـي ماهـوب قـد المقـام
اخطيت والبعد يوجعنـي ولا انـت محـدود
تحـط بينـي وبينـك فالمحـبـه نـظـام
لو الخطاء بين خلـق الله جـزاه الصـدود
ماعاش في هالزمـان الا ّ عيـال الحـرام
عشت الغلا فـي شبابـه لا تخليـه عـود!
العود ما يطلـب الله غيـر حسـن الختـام
يـارب قرّيـت عينـي منـك باربـع ورود
لاتحـرم عيونـي الظميـا سمـي الغمـام

وش اقول

28 حرفاً عاجزه عن التعبير ...الآن ادركت أن الحروف العربية مجتمعه لا تكفي لمواجهة نص بهذه القوة وهذا التمكن ...
يااااااااااه ياروعة النص ...بااااااااكلاش

وفقك الله ..أمتعتني متّعك الله بالصحه والعافية..
.
.
تقديراتي وتحياتي..