اللي سـرى.. ليلة الجمعة وعـلى ولاه ..
عـز الله إن ليلة فراقه "دروس وعـبر"
الله يسهل .. خطا رجله و يغفـر خطاه
من يوم شفته.. وأنا دارن عنده خـبر ...
لو مااستباح العيون اللي بكت فـرجاه
ماضاق صدر الرياض وضاق صدر الخبر
خذ كل شئ وعطاني خنجرآ من جفاه
تـوغـلـت في ضـلـوعي ..قفلتين وشبر
هوايتآ يستلذ بها .... وهو في صباه
والظاهر ... إنها تبي تكبر معه لا كبر
لو يتمثنى .. حريره .. ضفـتين القـناه
قامت تغنيله الامواج يا " أسمر عبر "
وستارة القلب يادوب إلتفاتت مـهـاه
وتقدها من ..قدم.. و تقدها من .. دبر..
أنا دخيلآ على ربي وأنا في حـجاه
من كسرة الخاطر اللي لنكسر ما جبر
لو ماقرى اسمي بعلبة _"زعفرانه"_ نساه
قسته "الايام" واخلفه "الزمان الغبر"
لا تامن الوقت ؟!؟ لاشفت الحفاه الرعاه
يشـيدون القصـور .. و .. يلبسـون الـوبـر
وإن حاصرك زول من تغلي وضامك غلاه
إن ماذكرت ..النعش.. ولا ذكرت ..القبر..
تدري متى تنفض يديك وتعاف الحياه؟!
لـــعطاك ربي "معاناه "وحرمك "الصبر
//////////
لو ماقرى اسمي بعلبة _"زعفرانه"_ نساه
قسته "الايام" واخلفه "الزمان الغبر"
الله الله الله ياسمي الزعفران
وتراه ضاق صدر الرياض وصدر الخبر ولو من غيابك انت
للمره الثانيه وانا اعانق هذي الشامخه
صح لسانك يبو فهد ودمت بخير ياصديقي والله يصبرك
|