[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راكب الي مـا لقينـا لـه مثيلـن فالنجايـب=بالفخامـه والعـزوم وسكبـت المنظرندينـه

لوتجيه ولو تديـره ماتحصّـل بـه شوايـب=كاملن والكامـل الله فـي تواصيفـه وزينـه

حي أبو مجنى مصمّم عزوتي عنـد الندايـب=ياعسى فاله سعيـد وياعسـى تسلـم يمينـه

كل ماعاينـت قطعـه ياعجيـب وياغرايـب=قلت سبحانـك الهـي خالـق الـي خالقينـه

وارد الفكسار توّه مـن جديـدات الجلايـب=من بلاد الشرق شركات الجيـوب مصدرينـه

كمّلوا قيمة رسومه وادفعـوا كـل الظرايـب=وفوق بابور البحـر شـدّوا رحالـه ناقلينـه

ووجهوابه يمّة القبله على حسـب الطلايـب=ووقفّوابـه داخـل المينـا حـراوي طالبينـه

لين جاهم من يقول انه عن الشركـات نايـب=وماطلع من عندهم بالكرت كـود مجمركينـه

ثم شدّواله علـى سطـح التريلـه بالقضايـب=صوب نجد وشركة التويوت جوك محملينـه

أشهد انه معجزة ذا القرن ومصيبة مصايـب=يكفـي اليابـان فخـرن دام هـمّ مصنّعينـه

والخواجه منصفق وجهه يذوق المـر رايـب=كل ماشافـه يصـدّ بعينـه الشمطـاء غبينـه

منطوي طي المريض ومونسن حر اللهايـب=كن ظربت هوريشيمـا ردّهـا اليابـان دينـه

وهونج بونج يمزّعمره ليـن عـداه النصايـب=مايلـدّ لباقـي العالـم يكـود بنـص عينـه

مانلومـه لاوربـي كاسـب كـل الكسايـب=منتج الفكسـار لاهـل الكـار دوم موردينـه

ماورد لجـل البهايـم والاّتحميـل الزهايـب=عن هـذولا مـع هـذولا نايفـن ومحشمينـه

ولاركب فيه المسفّـه والجحلـط والزلايـب=ولامسك مقوده هيسـن ديننـا مهـوب دينـه

وارد باسم الرجـال الـي يفكـون النشايـب=كنهـم عقـب الصناعـه للنشامـا واسمينـه

إن مشى بين المواترمشيتـه مشيـت ذرايـب=ماتقول الا الأميـر الـي جنـوده حارسينـه

وإن وقف وقفة فريق يختطب قـدم الكتايـب=توّمـاصـدّر قــراره للقـيـاده ناصبيـنـه

كن لونه لون غروا تحت ضو الشمس ذايـب=من بياضه تحسبن الشمس تشرق مـن جبينـه

ورزته راس البعير الي مـن الازوال هايـب=يوم قرب مـن المعشّـا وقفّوالـه محرمينـه

وكن بين محركاتـه تحـت كبوتـه حرايـب=ورغم ذلك لوتسمّع ماطلـع صـوت المكينـه

ومنظر الطبلون من هوله على الناظر عقايـب=يحسب إنه كنـز بالالمـاس والـدر الثمينـه

والجنوط مع التوايـر يـوم احلّيهـا طرايـب=وجـه قمـرا لبسـة البخنـق ولفتهـا متينـه

والمراتب كنها حظـن الهنـوف ام الذوايـب=جادل مـن حسنهـا كـل النشامـا خاطبينـه

وشيفت انواره تحالي شبحة عيـون الربايـب=لاقبس نوره تقول مـن الكهـارب شاركينـه

والمرايا فوق بابينـه تجيـب العلـم صايـب=مستشارينه مـع اللفـات وطـروق المدينـه

وأيرباقاتـه لاقـدّر ربنـا ...عنـد النكايـب=ظمتك ضمّت ضنيـن مبطـي قابـل ضنينـه

يانديبي وانت قرم تاخـذ السمعـه غصايـب=بالمكـارم والمعـارف والجمايـل خابرينـه

ناصحن منته بمثلي غرني شـوف السحايـب=قمت اخايل نوّها وارقب متى يمطـر وحينـه

مادريت ان السحايب تحت تصريف الهبايـب=كل ماهبـت هبـوب ساقتـه مثـل السفينـه

يازمن وش عاد باقي؟ يازمن ويش انت جايب؟=كـل ماقلنـا تزيـن تـزوّد البلـه لطيـنـه

كني الي من صوابه صفّت ضلوعه حطايـب=ماتجبرهـا الجبايـر فالمشـافـي راكنيـنـه

ساهر ليله يونّـي والكـرى ماهـوب طايـب=لاأنيـس ولاجليـس ولا عوينـا لـه يعينـه

يانديبـي يانديبـي دوك خطـي والكتـايـب=وصلّه شكر جزيـل وبيـت شعـر ناظمينـه

ياسعـود امنـتـك الله لاتــدّور للسبـايـب=خل ابن عمك وسـر مانـوى يكشـف كنينـه [/POEM]