السلام عليكم ،،

أرجو أن يشفع هذا النسخ التغيب الغير مقصود

محاورة نجوم المرقاب بإختصار :-


ابن قنيص :

يامرحبا بأصحابنا واهلاً هلا .. واللي حضر يالربع واللي ماحضر
.................. والشيخي ابراهيم له عندي علوم .. واللي عقد روس الحبال يحلها

عبدربه :

الشيخ أبو راكان والله والحلا .. شاعر ويسكن في طرف حيد البحر
.................. لكن مايعرف يبيع ولايسوم .. هاذي سواته فالبضايع كلها


ابراهيم الشيخي :

الك البقا واعدها دفعة بلا..في منتدى المرقاب والساعه عشـر
.................. هات العلوم وياعسى حظك يقوم..واللي تشوف انها صعيبه خلها

عبداللطيف الغامدي :

الشيخ ابو راكان لو قال الخلااااااااا .. تركب معانيها على شيخ الغجر
.................. ياعبدربي هات علمك ومخدوم .. ابشرّي البيعه وسم ّ وشلّها



عبدالله بن قنيص :

اثرك يابراهيم ماعندك ولا .. تلعب على وجهين وتحب القشر
.................. وان فسر حلومك مفسرة الحلوم .. ليتك تبهر دلتك وتزلها

عبدربه :

حنا ترانا فالمواقيف ازملاء .. حتى ولو طاح الحجر فوق الحجر
.................. امشوا على حسب العوائد والسلوم .. يازينها والله لاجت في حلها



ابراهيم الشيخي :

ترى المسافه بين طيبه والعلا..اقل يمكن من 100 كيلو متـر
.................. مثل المسافه بين مكة والجموم .. وانته حساوي والدروب تدلها

عبداللطيف الغامدي :

نصيحتك جتني على عين الملا .. والا البصيره ما يعوضها البصر
.................. لكنّ طاوعني وعينك لاتنوم .. جهود غيرك لا تجي تحتلها



عبدالله بن قنيص :

سكان جده قالو ان فيهم بلا .. لاعاد يالجداوي تلد النظر
.................. حاول تريح عن لواهيب السموم .. تحت الغصون اللي يضلل ضلها

عبدربه :

إمّا كذا يا أصحابنا وألاّ فلا .. احدٍ سلم واحدٍ ربح واحدٍ خسر
.................. ( ولاينسّينا الخطا حبّ الخشوم ) .. نمهلّ لها وليا متى نمهلّ لها ؟



ابراهيم الشيخي :

اهل الحسا في واحة النخل انزلا..تفرح ليا ناداى المنادي من هجر
.................. مابغاك تصنحني وانا اصلي واصوم .. قدام تنصحني فروضك صلها

عبداللطيف الغامدي :

لو يدري الميت بسمه ما امتلا .. بطنه بلقمه روّحت به للقبر
.................. هذي وزلّت جعلها فود الرخوم .. تعمل جهار وفالخفا يعمل لها



عبدالله بن قنيص :

الغامدي والشيخي ان جوك عملا .. فوق البحر يوميبهم موج البحر
.................. لاطحت يالشيخي ياجعلك ماتقوم .. خل النصيحه عنك لاتفطن لها

عبدربه :

مهما حصل ماضاع للحق وكلا .. من يلعب العرضه يبا يلعب شقر
.................. شف وسمنا حتى ماهو مثل الوسوم .. تطوي الصحيفه مير غصب نفلها



ابراهيم الشيخي :

اظن يابن قنيص قلبك ماسلا .. لاعـادك الله يامواقيـف العسـر
.................. صحيح كثر الهرج مايقضي لزوم .. يغنيك عن كثر الدعاوي قلها

عبداللطيف الغامدي :

(( إبراء ذمه فقط ، ابو راكان انقطع بينه وبينكم الاتصال .. ))

.
.


صحت ألسنتهم وداموا على الطيب ،،

>> هات و دوك ! <<