[POEM="font="Arabic Transparent,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]أخذت لي عن صجة الناس ساعه=أوسعّ الخاطر وأحاسب ضميري


هذا هوى بالي..وهذا أقتناعه=أعالج الضيقه بسيفٍ شطيري


حطيت في خزنة ضميري وداعه=اعيش معها عيشةٍ لـ الأميري


أغلى الكنوز الصفر كنز القناعه=وانا قنوع بخبز يابس كسيري


عندي شعورٍ زايدٍ فـ أندفاعه=وأبني على الأشواق قافٍ عسيري


وعندي عن التنهيد ستر ومناعه=ماأدق لأسراب الهواجيس زيري


البارحه وهجوس فكري جماعه=فرقتها تفريق جمعٍ غفيري


صوره قديمه ذكرتني بوداعه=الصاحب اللي بالتواصيف غيري


شاشة خيالي ساحته وأتساعه=أمست على ذكرى الوداع الشهيري


لو أن قلبي مايكبّ ألتياعه=ماصرت من جرح الموده سهيري


ولو فلّ مرسول المحبه شراعه=(غلطان دورّ فـ المحبين غيري)!


أهل المحبه مثل حبّ الزراعه=وأيامهم مثل الرحى تستديري


أنا أعرف أن الحب ضعفه دفاعه=وتكتيك هجماته شديد وخطيري


مدربه عاجز يهندسّ إيقاعه=وخصمه عنيد وملعبه مستدري


لو طعت شيطان الهوى وأرتباعه=يارابع العشّاق خلكّ خشيري


مير الله الوالي..وسمعٍ وطاعه=وحده عبدته..وأطلبه وأستخيري


بين أنشغال العبد وألا أمتناعه=ياربّ سترك وأنت نعم الستيري[/POEM]