نصره تعزوى بأسم عاشقها على روس السطوح
الله واكبـر يالهنـوف اللـي تثنـى عـودهـا
غنيت وقناد القصايد من سطر راسـي يفـوح
إما طويـت اميالهـا وإلا اكتسحـت حدودهـا
حنا تمضوينـا علـى عطيتـك يبـو صلـوح
لـكـن تخـيـر يابقيمتـهـا أو إبمـردودهـا
هديتك يابو هديـل تصيـر بعيونـي صـروح
ياشـوق بنـت زور ملبسهـا يضيـم نهودهـا
العرف والمعروف عند اللي سواتـي مايـروح
نجود من جود الولي والنفـس مـن ماجودهـا
لي نظرةٍ تعطي كذا معنى ولي منهـا وضـوح
اللـي تعلمنـي مغاتيـر العـلـوم وسـودهـا
فيها الثقه واللون الابيض والتواضع والطمـوح
يسوقهـا حـب المعرفـه والشمـوخ يقودهـا
نعمه من اللي نعمته في كل جسـم وكـل روح
اللي نسبح لـه بركعـات الهـوى وسجودهـا
والحر يفهم بالاشاره لـوح والا اللـوح لـوح
ماهوب داري وين مصدرها ولاايـن ورودهـا
مايدري ان العلم والشاره علـى راسـه تلـوح
والبرق في عرض المزون اللي تحن رعودهـا
جعله فداك مدور الهين وابو الكـف الشحـوح
لكـن قلـه خزيـة الماضـي لعـاد يعودهـا
والا بصب الما على روس الضوامي لين ابوح
والله ماحسـب لنقصـان العلـوم وزودهــا
ياماصبرنـا ليـن ملينـا وضمدنـا الجـروح
من حشمة نفـوسٍ عزيـزه مانبـي منقودهـا
وانا ادمح الزله لخاطي ذيب وحصانٍ جمـوح
من حشمة الغاليـن اعرضهـا هبايـب نودهـا
وإلا ليـا منهـا تعـدت مابقـى فيهـا مـزوح
بنت اليهـودي ماتـذوق الا خشـم عبرودهـا
هذي ما ينّسخ منها بيت و لا اثنين إلا تنّسخ كلها
صح لسانك يا وعيلي مدد ما هو عدد
الله لا يهين فكرك يا شيخ
تحياتي و تقديري
أخوك/ محمـــد ال عبـــدان
|