مساءكم ورد .. اهل المرقاب .
قصيدة من اخر ماكتبت .. نشرت في مجلة خليجية العد الاخير ..
اتشرف بتقديمها لكم .. وامل قبولها بتواضعها ..

[POEM="font="Simplified Arabic,4,darkblue,bold,normal" bkcolor="transparent" bkimage="" border="solid,1,silver" type=2 line=0 align=center use=ex num="0,black""]حبيبتي والجرح الاول لو تجاهلْته غديت=كيف اتجاهل علّتي والجرح توّه ما برى
تأكدي لو طالت ظروف المحبه ما نسيت=أصحي على صوت الألم واعيش همّي بالعرى
حبيبتي والجرح الاول توّ باقي ما بريت=ملّيت اقلّب صفحة الماضي واردد ياترى
صحيح انا احبك بمبداء الصدق ياغلاء من هويت=يهلّ دمعي من عيوني كلّما شخصك طرى
البارحه في وسط جمْع الناس وانا مادريت=ناديت بااسمك يوم دارت موجة افكارى ورى
ناديت بااسمك ياعيوني يوم بالموْقف سهيت=قالوا : مضيّع قلت لا لا كنت ابي شخص ٍ سرى
ارقّع الغلطه واردد في قصيدي بيت بيت=كنّي طبيعي ما بغيْت الناس تدري وش جرى
يعني بصراحه موْقف ٍ محرج ومن جدّ استحيت=احمرّ وجهي من حياي وكل من حولي درى
الله ياني مغْرم ٍ بك والدليل اني بكيت=يوم اتذكّر طلتك .. دمعي على خدّي جرى
حبيبتي لو ما انتحيلك كان والله ما عنيت=لكن غلاك بخافقي مافيه بيع ومشترى
ياكثر شوقي يوم رحت / وكثر شوقي يوم جيت=متى بشوفك يهْتني قلب ٍ جريح ٍ ما برى
عبدالعزيزالمرشدي[/POEM]
..
..

للتشريف : تابعوني / حسابي على تويتر ..
https://twitter.com/azizalmurshadi