المشاركة الأصلية كتبت بواسطة مطلق العتيبي
ياعرب وش عاد فيكم ينكتب
..................... وش بعد هالذل وش هي نهايته
ياقصيدي احتمل كثر العتب
......................... واحسم الموضوع من بدايته
الصراحه مايقر ابها العرب
.........................لا تكـلم فـي الأمور الفايته
الصراحه فالعرب دايم تشب
......................... والصياح صياح فيها مهايته
يرغبون المدح لو انه كذب
.................. ولا عرفنا الصدق وش هي مرأيته
ما يبون الاوالوناسه والطرب
....................... ورقص في لبنان مع أغنايته
يخسرون المال في كورة لعب
................... وا هنـي الـقول واللي شايـته
لويبا مليون يبشر بالطلب
........................ ولا يروح الكاس لوهو فايته
كن هم الناس في كاس الذهب
.............................ومنتخبنا شوفو مبارايته
لونقول القدس يصرخ ياعرب
....................... من زمان يصيح وين حمايته
والعراق نيران حربه تلتهب
.......................افـزعوله في جيوش جايـته
ياامة الاسلام فالوقت الصعب
..................... والجهاد الـيوم شـيلو رايـته
قــال حنا مالنـا ومـال النشب
.......................مابيدنا شــي وحـربه بايته
السياسه عندنا مع من غلب
...................... والقوي كل العرب في اوصايته
خانعين وقانعين به غصب
.............. لـو تــولانـا ياقــو ولايــتـه
وش بعد كل الماسي والعجب
...................... والكلام الصدق اخذو غايــته
(كـان ماتبـت يـدين ابو لهــب)
......................... وسجل التاريخ سوء نهايته
ثم قلنا له اهـب اهـب اهـب
.......................... قبل ماينهي سنين ولايـته
بأذن رب الكون فراج الكرب
................... قــادرٍ يــنزل علـيهم أيـته
مثل مافرعون غارق وسط غب
................. عـقب ماهـز الـنبي عـصايـته
وياقصيدي عن علومك تب تب
.....................مالــنا ومـال العلوم الـبايته
العرب ماعاد فيهم اي طب
...................... وش نـبا بالهرج وكثر حكايته
لو قـرو كل شي فيهم ينكتب
.................... ماوصلو في حال هذي نهايـته
الشاعر الرائع..
مطلق العتيبي..
الله عليك الله...
حطيت يدك
على
الجرح...
هذا الصحيح..
لاعب الكورة والفنان
في عالمنا العربي..
وضعه مختلف..
أنشغلوا العرب بالتوافهه...
وضاعت الطاسه..
تحياتي
لشعرك
وفكرك..