طازجه .. ويزيدهاا شموخ
نزولهاا على ساحة المرقــاب ..!!


الشعر والقيفان مثل المصاغيــر
حليبهـا يروي عطش كل ضـامي

فيهـا تساهيـل ٍ وفيها معــاسير
وكل ٍ على جهــده يقلّـد وسامي

أنا كتبت وجاز لي كـل تفسيـــر
وكل ٍ على تفسيــر فكره إمامـي

مثل الحمـام اللي بجنـحانه ايطيـر
يطيـر ما همـه كثيــر الحمامي

ما دام ذي قـاعي وما دام بي خيـر
وما دام فعلـي ما يخـالف كـلامي

لي ربعـة ٍ فيهـا ولي بأرضها بيـر
وأبني على أطنـاب المعـاني خيامي

واللي متابعنـي ولا خـالف السيــر
يلقى جزيـل الشكــر والاحتـرامي

عنـوان غيـر وبالمعاني طنـا غيـر
كلـه عشـان عيون بدر التمـامـي

اللي على شـانه أسـج المخــاسير
من وجعتـي روووحي لآخـر هيامي

خشـف ٍ يفوق الوصـف بين الغنادير
كنــه سعودي بس ديكور شــامي

أموت فيه .. وكل ماهبـت اعصيــر
تخشـع على هبـة هبوبـه قوااااامي

كنـه على بيوت القصايـد كواااااااافير
ولو نظــامه يختلـف عن نظـامي

كل المشـاعر في غراااامه طوابيـر
بين التحيـه والنشيـد الختــامـي

فرقـاه هم .. وجيتـه بنج تخديــر
وكل ما يبنجنـي .. سلاااامي سلااامي

وكل ما دريت إن الليااااالي مداويــر
أغـص بالعبـره وقلبـي يضــامي

بـُعده مقااااادير ٍ .. ووصله مقاااااادير
وصكااات بعــده رميتـة ٍ دون رامي

لو إعترفت .. ولو مااااا جبت تعبيــر
لقلـوووب خلـق اللـه حبيبي حرامي


وسلامتكم

::