آتدفـّى بالأمل إنك تجين
آتدفـّى.. بالأمل !!

* * *

وبإنتظارك .. ما شتمت أم السنين وما أحترقت .
آتدفـّى بإنتظارك { زي عاداتي } حنين
وما شَرَقـْت بْريقي لمّا لاح زولٍ يشبهك
وما طرقت بإصبعي كاسي ملل
أعرف إني لازم أتدفـّى قبل لا تِشْرِقين .

* * *

شمسي اللي ما اشْرِقت إلا بخيالي .. والمواعيد الخرافة
يا قمر عامين مرّن ما إكتمل .
يا نجم بيني وبينه أقرب وأبعد مسافة
عاذرك لو تبعدين
إنت ما تدرين عن طعم الحنين
عن ثواني ساخرة منـّي إتشفـّـى
عن لهاث القلب لا منك طريتي
وما دريتي ، كيف أتعذر عن غيابك لقلبي :
{ أَخْلِفـَتْ بالوعْد بسّ الطيف وفـّـى }
ما دريتي .. عن تجاعيدٍ غزتني بمستهل عشرين عمري
عن تعرّي الشيب في راسي
وفتوري .. وإنطفاء الدهشة .. وقلـّة حماسي
وكيف هذا العشق يتحول إلى حقدٍ دفين
من سناه احساسي بالوحده تدفـّى .



14 - 4 - 2005

... وسمعت أخبار عنك تسر !!