[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ثنتين ابقصب عن وحلهن ارشايه=وثنتين ابارد جمهن لو على الكوع
الاوله نقل الحكا والوشايه=عنها اللسان مصان والسمع ممنوع
مدخل مجال مروجين الشنايه=اللي تسوي من ردا الهرج مشروع
الهرج اله ميزان مثل الرمايه=اما حفضت اعيار نيشانه يتوع
والثانيه مبديت للخبل غايه=ومن يبدي اسراره على الخبل مصروع
اجعل همومي تستكن بحشايه=في مغلقٍ مابين شريان وضلوع
اخيرمن علمٍ ينكس لوايه.=قدم الردي من عقب ماكان مرفوع
ولومابقا ما اعلبه عن ضمايه=موتي ولا دور ورى النذل قرطوع
والثالثه من دون وجهي يدايه=آخذبهن وعطي لو الحال موجوع
اوف الوفي وإن زارني من وفايه=من خوف لا يسري قبل نكسر الجوع
سلمٍ مشوه اجدادنا فالبدايه=مانخلفه ومن اخلف السلم مقلوع
والرابعه لاطاح للربع رايه=وتفرقو كلٍ له احزاب وجموع
عنهم مشوم ولا تعود اخطايه=اجيلهم لو بينا الوصل مقطوع
لعلي اجني من ثمرها رجايه=وعقب الجفا نشرب من ازلال ينبوع
ربعي ليا صكو عليه اعدايه=آردبهم ورد الضمايا على القوع
سقم الحريب اليا اعترض في نحايه=لاكبرت القاله غدو حرز ودروع
رجلٍ بلا عزوه من الناس بايه=بايه ولو غره من الريح ذعذوع
لابد ما ترفع عليه العصايه=من وقت ولا من جهد كف صعصوع
قلته وكمي من كموم العبايه=اللي مثانيها بني عم وربوع
الاد مشيب بارقٍ في سمايه=ومسافره لاعود العلم مرجوع
تاريخهم حافل ويروى روايه=يوم المغازي جالهم فعل ماقوع
اثنا عشر شيخٍ يشيل الحدايه=اولاد عودٍ بول الحين باتوع
واليوم حنا تحت حكم الولايه=اولاية ابن اسعود ممن هل الروع
عبد العزيز اللي جمع كل صايه=شمل العرب بيدينه البيض مجموع[/POEM]