منتديات المرقاب الأدبية - عرض مشاركة واحدة

30-12-2006, 10:50 PM

المشاركة الأصلية كتبت بواسطة شامخ الشامخ

السلام عليكم ورحمة الله وبركاته

اهدي لكم هذه القصيدة .. علها ترقى لذائقتكم ..

من رحلـت ..وحلّـت اللحظـة فقدتـك
..................وأندفنت ( الله يجيـرك ) فـي جروحـي
/
كان مثـل الصاعقـه جـرح ٍ جرحتـك
..................ليت قبل الجـرح .. مكتوبـي بلوحـي!
/
ويـل قلبـي يـوم ادور مـا وجـدتـك
..................وانت دايم عـن عيونـي مـا تروحـي!
/
ضاقـت الدنيـا بوجهـي يـوم شفـتـك
..................ملك غيري .. والخطـا بعثـر طموحـي
/
ما خطيـت بحـق نفسـي مـن عرفتـك
..................فـي ليـال ٍ بــروزت ورد ٍ يفـوحـي
/
من فقدتك .. قمت اردد ( ما خسرتـك )
..................والصدى في داخلي ( خسران روحـي )!
/
كل ما ارمش يـا بعـد روحـي ذكرتـك
..................والعوالم فـي مـدى عينـي ضروحـي
/
كل مـا حاولـت اشطبَـك مـا شطبتـك
..................لين ضيّـق عالمـي .. حزنـي ونوحـي
/
من فقدتك .. في وسـط عينـي نقشتـك
..................لأجل غيرك بالبشر .. لا أبصر ولا اوحي
/
وابشر انـي لـو نسيـت انـي عشقتـك
.......................والله اني ما نسيـت اقسـى جروحـي!!

وسلامتكم ..

تقديري
اخوكم

ابو نايف

الشاعر المتألق في سماء الجزاله

والمميز فعلا بقصائده

شامخ الشامخ

صح لسانك والله يابو نايف والله لايهينك

على هالعصماء

قصيده مؤثره فعلا ...

تجذب مشاعر القارئ إلى حفظها

سجل إعجابي ومتابعتي

لك يابو نايف

ولك خالص تحياتي وتقديري