السلام عليكم

وش حالكم ياهل المرقاب كل باسمه

اذكرو الله وصلو النبي


واستلمو


ليه ميلتي كذا يالخيزرا نه
******************كل ما هبت عليك النود ملتي
يوم ميلتي وبينتي الليانه
*******************تنكشف كل الخوافي يوم بنتي
مع ميولك خافقي ميال عا نه
*******************ايتيامن وايتياسر مارحمتي
عاشقن حبك وياصعب امتحانه
*********************يتبعك في كل ريع ولا سألتي
ما سألتي عنه حطمتي كيانه
*******************في عشيقك يالبنيه ليه خنتي
ماحسبناها توصل للاهانه
*******************ليتني ماكنت لا ليتك ما كنتي
حبكم وسط الضماير ذا مكانه
*******************صدري الديره وفيها انتي سكنتي
الغلا بعطيك صكه مع ضمانه
*********************ضامنك لكن علامك ما ضمنتي
والخفوق اعطيك ماخذ به رهانه
*******************لكن اشوفك مع اللي جاك شنتي
جيتكم عاني بشم القحويانه
*********************وليتني ماجيت دامنك سفلتي
استخف العقل من بعد الرزانه
******************كنت عاقل وانتي لعقلي سلبتي
هو دلع يا صاحبي والا لعانه
*****************والا حقدن في الضماير لي دفنتي
حددي موقفك مني بالامانه
******************وهاتي المضمون والهرج القرنتي
وباتطفل بس سميها ميانه
*****************منهو اللي شل عقلك وانهبلتي
واتساءل جاوبي يالخزرانه
**************** ليه لاهبت عليك النود ملتي







وسلامتـــــــــــكم

ناصر الأحمري

من الذكـاء متابعة طاش ما طاش
........ وأكبر غباء إنـك تتابع خـواطـر !