الهدوء اللي سببه غيابك وقل اتصالك
كان ما يملا ضلوعي وجد ما حرّك نشيدي
كثر ما اتعبني ,, لو اجزع منه ماريحت بالك
كل بوحٍ من وراه يجيب وعدي في وعيدي
لا اتهمتك في جفاك ولا زعلت من انشغالك
ليه الومك يا السحابه والعطش مقسوم بيدي
قصدي اختم لك سواليف الهوى وارضي سوالك
يوم تنشدني عن الخوف وعلاقته بقصيدي
ليه ما اكشف لك وجع قلبً تمناك وصفا لك
والمقدر والصدف والحظ ما شدت على ايدي
ليتني طعت التشاؤم فيك واعطاني بدالك
كان ما احبس عبرة الماضي ويبكيني جديدي
وليت لامني تذكرتك تذكرتك لحالك
ما تخيلت الظروف تروح بك وتجيب عيدي
وين اودي كلمة (آحبّك) وانسيها مجالك
والله ان فكرة ضياعك تصهر القلب الحديدي
كلما دوّرت للخطوه سبيل مع المسالك
امتلا شوفي متاهات وحكمني قوّ قيدي
اقدر احلف بالكريم اني غلاك وراس مالك
واقدر احلف بالرّحيم اني خسرتك يارصيدي
وادري اني لو تركتك ورث وانهيت احتمالك
والله ان يشتاق لك لا مرت الدنيا حفيدي
جعل وقتٍ ظامني يرضيك والفرحه حلالك
لا افترقنا واعتذر دمي لفقدك من وريدي
وجعلني ما اخسرك ذكرى في عتبك وفي دلالك
وانت لامنك ذكرت الحلم لاترحم بريدي
الله واكبر عليييييييييييييييييك
عبداللطيف
والله اني متحسف على القصيده اني ماقريتها الا الحين ودي اني في اول الردود
الابدااااااااع بحذافيره والله انك لامست جرح ما في داخلي ياعبداللطيف عموما
صح لساااااااانك الى مالى نهااااااااايه
متابعتي واعجابي
|