قالوا الشاعر مايعرف لين ينشر فـي الجرايـد
بين شعاعر(ن) تباهـو بالشعـر ياخـذ محلـه
شاعر(ن) في صورته شاف البها ناقص وزايـد
وايتفاخر يوم حطوهـا علـى غـلاف المجلـه
قلت لا لا والـف لالا مايصيـر الجهـل سايـد
والشعر لغز(ن) صعيب(ن) يتعب العراف حلـه
وش ورا الشهره ياشعار الحداثه مـن فوايـد
شعركم كـلام فاضـي مالكـم مذهـب وملـه
مانميز في الخطا والصح مـن كثـر القصايـد
شعر شعـار القوافـي مانعـرف دقـه وجلـه
يوم خاضو الما تكدر مشربـه ياهـل العوايـد
والعما ضيـع عصـاه ولا لقالـه مـن يدلـه
القبيحـه مايجمـل وجههـا لبـس القـلايـد
والجميلـه والله انهـا جملـت عقد(ن)تشلـه
والشعر بسيط لاكن فـي بعـض لحيـان كايـد
له شموخ(ن)ماتوطـا عانـق انجوم(ن)مطلـه
واحد(ن)مافـاد نفسـه للبشـر ماهـو بفايـد
مثل عود(ن)مضمحل(ن)في صحاري(ن)مضمحله
والشعر فخـر العـرب تراثنـا ماهـو ببايـد
والحقيقـه مايصـح الا كـلام(ن) فـي محلـه
لملمو باقي الشتات وجمعـو شمـل الشرايـد
والقصايـد ماتهـون ولا يهـون الشعـر كلـه
افزعو لـه يالنشامـا هونـو عنـه الشدايـد
-من ردا حظه وهمه صار فـي معنـاه خلـه
ولا يسيد الشعر جاهل لمعـه كـذب الجرايـد
انصفـوه وكـل شاعـر ودنـا ياخـذ محلـه
صح الله الساااااانك مليووون
تحياتي لك وتقديري ومتابعتي
|