سعود الحارثي

ترد القصايد ردة البـل علـى المقهـور
الياصاح صياح المعاني بـروس القـور
تحول وترقا مع ظلوعـي واحـس ابهـا
تدرهم بصدري مثل درهامـة المظهـور
تدرهم بصدري لين تـورد علـى قلبـي
واذا صّدرت مامثل هاك الشعور..شعـور
ادور علـى بيـوت الجزالـه واوسمهـا
ولا اوسم الواقف ولا اوسـم المكسـور
لان القصيـده فكـرة ابـداع شاعرهـا
ولا تنبت الافكار بارض الخيـال البـور
وانا شاعر ومبدع وامثـل بنـي عمـي
مثل مايمثـل (يام)شاعرهـم المشهـور
مثل ماحضـرت اول واجازتنـي اللجنـه
ابـامتع اللجنـه وابـامتـع الجمهـور
ولانيب مـن (لطامـة العايـل عتيبـه)
اذا ماضحك تركـي وماصفـق الدكتـور
تمر بخيالـي بعـض الافكـار واكتبهـا
مثل مايمر من الزجاجـه شعـاع النـور
وانا اللي جوانب فكرتـي يـوم اكملهـا
يصير الورق عش القلم والقلم عصفـور
كبرنـا وشفنـا والليـالـي عرفنـاهـا
توافيق وحظـوظ الرياجيـل تلعـب دور
وانـا قـادر اغنـي معاهـم واشاركهـم
وحظي معاهم طيّـب ولاعليـه قصـور
ولكن انا فـي بعـض الاحيـان تلقانـي
احاول احس احساس (ابوجعفر المنصور)
لو انه يجي ويشوف بغداد وش صـارت
سماها كفـن للنـاس واترابهـا كافـور

كذا يا طلال الشعر واديه اضاعني
__________بمكة وانا ادرى من اهلها بشعابها!
فكم من غريب ٍعن بلادٍ احاطها
___________وكم من مقيم ٍفي بلد مادرى بها
عدلت رقبة عوج المعاني وطاوعت
___________فهل يا ترى الايام تعدل رقابها؟!
ارى حاجتي تعطى لغيري وانا الذي
________عطوه العوض فيها وهو ما رضى بها !
ليا اخطا الزمن كبد الحقيقه وصابني
_________ فانا اللي رمى كبد الحقيقه وصابها



[CENTER][COLOR="DarkRed"]