مرزوق الروقي

وجدي على من فارق القلب وأشقـاه
وجد اليتيم اللـي فقـد شوفـة أمـه
كانت هي أفراحه وروحـه ودنيـاه
ولا عاد شي(ن) من بعدهـا يهمـه
فقد حنـان الوالـده فـي المعانـاة
يـوم انهـا بيـن الأيـادي تظمـه
اقبل نهـار العيـد والكـل ينسـاه
كل(ن) سهى بفراح من دون همـه
وقف على بـاب الفقيـده ويكسـاه
ثوب(ن) جديد امه تشوف وتزمّـه
يزعل ويطرد كل من جـاه يدنـاه
يقول يمه اطلعـي الحيـن يمـه !
متعود(ن) بالعيـد لا اقبـل تلقـاه
صاير يتيم وبعدهـا صـار غمـه
واصبح يعيش بهم واصبحت ويـاه
هم(ن) على قلـب المفـارق يسمـه
على هنوف(ن) غاية القلب ومنـاه
اصبح غلاها مثل فرض(ن) نتمـه
حلوه عفيفه تشبـه الريـم بخطـاه
اليا انثنت في عودها شـرق ويمـه
اسود شعرها ناعم(ن) كيف محـلاه
صعبً عليهـا رفعتـه لـو تلمـه
لولا الكفوف البيض غطى محيـاه
ثم جَـرّح الخديـن والكـف لمـه
والله يعلـم يمكـن الشهـد بشفـاه
لا ضمة الشفه على الريـق ضمـه
ذيك الشفايف جمرتيـن(ن) مغطـاه
بَسْـوَد لثـام(ن) كفهـا لـه يلمـه
وليا حزنت في عينها الدمع يمـلاه
جاها الخفوق وكـل عـاذل يذمـه
جاها نداوي مكسب الطيـب مبـداه
متنومس(ن) مابيـن خالـه وعمـه
وراحت وصارت شي ماعشت لولاه
همـي واشيلـه وآتعنـى واذمــه
وجدي عليها وجد من قلبـه اشقـاه
والا يتيم(ن) فاقـد(ن) شوفـة امـه


الله ياصالح

مبكيه هذه القصيده والجميل اجساسك الحزين والعذب فيها..

صح لسانك ..

http://www.m-roq.com/