الـرّدي لامسمـى ولاماسـوم
نفس تخفي مخابرها مظاهرهـا
له علامات تكشفه الك بين القوم
يمكن ابو ثمان اسنين خابرهـا
بعضها ذاكره فيماكتبـت اليـوم
وبعضها واضحه ماني بذاكرها
ايتبسّـم ليامنّـه غشـاه اللـوم
والجهاهيل فالمجلس يقاشرهـا
ولايخلّي ولاهرجه ورى البلعوم
وانت يالمستمع جاتك ودبّرهـا
كانها طيّبه خلّك حصان وقـوم
الرديّه ترى ماهـوب ذاخرهـا
وكانها موجعه مالك عن المقسوم
انت في مجلسه جاين تدورهـا
الردي علّةٍ منتـه بهـا ملـزوم
يقتف الناس ويفتش صرايرهـا
هرجته كنها عطسـة المزكـوم
تحشره ويتضايق لين يظهرهـا
والسنافي يحط علوم دون علوم
احترامٍ للاجـواد ومشاعرهـا
الله الله الله
الشاعر القدير / محمد الدهيمي
صح لسانك ..جمعت الحكمه والفائده والجزاله بهذه القصيده المختلفه..
تحياتي
|