[POEM="font="Simplified Arabic,5,indigo,bold,normal" bkcolor="skyblue" bkimage="./images/backgrounds/2.gif" border="solid,7,orange" type=1 line=1 align=center use=ex num="0,black""]ياالله ياللي ماكفوفك شحيحه=ياواحد(ن)بيدك مفاتيح لغلاق
رزقك ولا رزق الوجيه القبيحه=اللي صداقتها تمصلاح ونفاق
وان جات حزات اللزوم الصحيحه=متنا ضما لو هم على باب لرزاق
المجتمع شفته شريحه شريحه=وامثالهم ماشفت والله بلطلاق
نياتهم نجسه ولاهي صريحه=وما منهم إلا هم وازعاج واقلاق
تنصح ولا تلزم طريق النصيحه=وتخون لو تعطي معاهد وميثاق
باصد عنهم وارض ربي فسيحه=وباسير الأقدام والكون ما ضاق
في قاع فيها العشب شوفه وريحه=لاهب نسناسه قبل وقت لشراق
يشفي القلوب الضاميات الجريحه=ويبعد هموم اللي من الوقت منعاق
كشته مع اصحاب الوجيه الفليحه=مامنهم يقفاك بالهرج دقاق
جابوا الحطب ومعلقين الذبيحه=وللنار حطوا جزل ماحطوا دقاق
هاذه تراها رغبتي ياصبيحه=وانشهد ان نفسي لها دوم تشتاق[/POEM]