منتديات المرقاب الأدبية - عرض مشاركة واحدة

30-01-2007, 12:37 AM

رعـاك الله يـا الصـرح البديـع الفاتـن الـجـذاب
أحبّـك والمحبّـه مـن ولـي العـرش مشـروعـه
أباهي بك .. وأماري بك .. وأغني لك غـلا وإعجـاب
عليـك الـروح نزاعـه ومعـك النفـس منـزوعـه
لحالـك بالجـداره فاتـح ٍ بيـن السحـاب أبــواب
بعـد حـزت الصـداره والتميّـز صـرت موضوعـه
يا ناشدني عن المرقـاب أمـا تعلـم عـن المرقـاب
زعيـم المنتـديـات وفـريـد بشكـلـه ونـوعـه
أخذ نبـذه بسيطـه وأعـرف الصـادق مـن الكـذاب
بدون مجاملـه نشهـر بهـا .. والـروس مرفوعـه
لـك الله مـا مدحنـاه وتفاخرنـا بــدون أسـبـاب
نجيـب شهـود حصـريّـه ومثنـيّـه ومربـوعـه
تفضل فوق زر البحث وأضغـط وأبحـث اللـي جـاب
وتصفح لك من أدنـى مبدعديـن الشعـر مجموعـه
مشبّعـة الـذوايـق والمـدايـح فوقـهـا تنـسـاب
نـوادر بذرهـا فـي منتـدى المرقـاب مـزروعـه
أساتـذة المواهـب والمواهـب وهـبـة الـوهـاب
نجـوم ٍ مـا تلمّعهـا قنـاه .. وزيـف مطبـوعـه
تسابق له وتبدي بـه .. وتحسـب للرجـال حسـاب
وكم من منتدى ماهـوب حولـه لـو لحـس كوعـه
نشوفـه شـد حيلـه والنتيجـه فـص مـلـح وذاب
ما غير أحذف .. لا تحذف .. بين مسموحه وممنوعه !
تحـوز الفـوز شمطـان اللحـى فتّالـة الأشـنـاب
وأبـو قبّـوع لاهـبّ الـهـوى يـومـي بقبّـوعـه
يا راع الربربـه والطبطبـه طبطـب علـى الطبطـاب
وعميـان البصايـر عنهـم الشـرهـات مرفـوعـه

دكتوري العزيز

صدقني ويعلم الله انها خارجه عن المجامله

ان اول نجاح المرقاب انه انت

ولا انسى الرموز المرقابيه العريقه

ولا يسعني ان اذكرها جميعها

ولاكن من باب الايضاح

الكل يعرف انك عضو مرقابي مؤثر وفعال في المرقاب

ويستاهل المرقاب الاشاده به والمدح

وصح لسانك على هالدره

تقبل تحياتي وحبلي خشيمك