الشاعر احيان .. شعـره يخالـف شعـوره
ويجوز يكتب .. بمـا يخالـف قناعاتـه !!
احيـان .. يكتـب بمايرضـي بـه غـروره
حتـى ولـو مابقلبـه .. عكـس ابياتـه !!
واحيـان .. يكتـب بمايرضـاه جمـهـوره
ولـو عـلـى حـسـاب آراءه ونظـراتـه
واحيان .. يكتـب عشـان يمشّـي امـوره
يشّـد ويقطـع .. لاأشـيـاءه وحاجـاتـه
واحيان .. يكتـب عشـان عيـون غنـدوره
يكـذب عليهـا .. لجـل يشبـع ملـذاتـه
لـذا ؟! برأيـي أرى .. ولكـل منـظـوره
ان ماسبق فـي اعتقـاد القلـب .. معناتـه
الشعر موطن .. وصـدق القلـب دستـوره
والفكر حاكـم .. وصـدق البـوح راياتـه
بمعنـى ان .. الشعـر مـا يعتبـر صـوره
للشاعـر .. ولايعـبـر عــن معانـاتـه
الا اذا شـاف مايخرجـه عـن طــوره ؟!
يمكـن يـحـارب ملـذاتـه ورغبـاتـه !!
وانـا اذا إن المهبـل .. تعلـن الثـوره ؟!
ولاشفـت كـلٍ علـي يفـرد عضـلاتـه ؟!
اطب امـواج شعـري .. وادخـل بحـوره
وارصّ محارتـه مــن جـنـب دانـاتـه
وامشي .. واخلي القوافـل تكمـل الـدوره
ولاهمّهـا الكلـب .. لوكثـرن نبحـاتـه !
لانـي لـو ألـد يمـه .. وادهـن سيـوره
نزلـت نفسـي .. عشـان اسـوي سواتـه
بعض الاوادم .. على بعضـه كـذا عـوره
اذا حياتـه خطـأ ! وشلـون كلمـاتـه ؟!
الشخص .. ( بستان زهر ) .. اخلاقه زهوره
واخـلاق الانسـان .. تُنبـي عـن ثقافاتـه
والعقـل .. لـو ماوضـح فـالادمـي دوره
ولا انعكـس فــي فعايـلـه و حركـاتـه
تلعب به النـاس والدنيـا .. لعـب كـورة
ويصيـر مـن قــوم ( لاوده ولاهـاتـه )
عمومـاً .. النفـس منهـيـة ومـامـوره
وكـلٍ علـى حسـب رايــه واتجاهـاتـه
والنفـس .. بمعانـد الحسنـات مفطـوره
والرابـح ؟! اللـي ملـت دفتـرْه حسناتـه
وانا اذ قلت : بـأن الحـال ( مستـورة ) !!
اقـل حاجـة ..! عذولـي اكسـب سكاتـه
ياهي علـومٍ بوسـط الجـوف .. مقبـورة
مـن حزنـي الـي مدخلـنـي متاهـاتـه
الحزن دولـه .. بهـا روحـي امبراطـورة
والدمـع خـادم .. وصولاتـه وجولاتـه !
إعـلان لبدايتـه .. وإيــذان بحـضـوره
برعـايـة الله .. تـبـدأ اول محـطـاتـه
عليك ياام الحـلا .. اللـي صـار اسطـورة
ياآيـة الحـسـن .. يااجـمـل حكايـاتـه
لي عام .. قلبـي عجـزت اجبـر كسـوره
محـروم مـن ابسـط حقوقـه وغايـاتـه
من يوم صارت حبـال الوصـل مبتـورة ؟!
وانا الـى الآن !! .. حتـى الليـل مااباتـه
ميّت ولـه .. والنفْـس ماهيـب مسـروره
والقلـب .. مافادتـه كـثـرت محاتـاتـه
يابري حالـي .. علـى جرحـي ودكتـوره
وانـا ادري الحـال .. ماتنفعـه بريـاتـه
علـى غـرامٍ .. تعبـت أشيّـد قـصـوره
واحـد وعشريـن عـام .. ابنـي بناياتـه
ثـم هـدّه اللـي ماخـاف الله مـن جـوره
في ظرف ليلـه .. حـرم قلبـي طموحاتـه
خـلانـي بـديـرةٍ بالـحـزن معـمـوره
احاتـي البعـد .. واشكـي نـار لوعـاتـه
لكن عمومـاً .. ظـروف الوقـت مشكـوره
خلـت قصيـدي يطـرز داخــل ابيـاتـه
بيـت ٍ أبتركْـه .. للتـاريـخ وعـصـوره
وأسجـلـه بالـذهـب فــأول ملـفـاتـه
الشخص .. ( بستان زهر ) .. اخلاقه زهوره
واخـلاق الانسـان .. تُنبـي عـن ثقافاتـه
//
ناصر
مدري وش اقول
الا صح لسانك مليون في مليون ولا يكفون
عزالله انك ابدعت
ماقصرت
|