أنقل لكم محاوره جمعت كلاً من

هرم الشعرالشاعر العلم :مستور العصيمي

والشاعر العلم الشاعر الجماهيري الأول: حبيب العازمي

وأتمنى أن تحوز على أعجابكم





حبيب العازمي

هلا يامرحبا حياكم الله عند أبن عواد = كريمٍ من كرامٍ تغني الفقرا مكارمها
يامستور العصيمي هات راسك والسيوف أحداد = رصاصك في حزامك والعرب ملياً محازمها



مستور العصيمي

يدوم لك البقى ياللي ترحب والعلوم أجداد = حصون الأرض فوق الأرض ماتخفى معالمها
أصدرها مع المصدر وأوردها مع الميراد = لساني لو يقابل للعجم والترك كلمها



حبيب العازمي

تقيس الارض طول وعرض ياعنتر ولد شداد = ولك خطوه توخرها ولك خطوه تقدمها
تبى تغزي عليه مير أنا قاضبلك المرصاد = ولو أن الجمال من السلم تكبر براطمها



مستور العصيمي

أحسب الوقت بالهجري وأحسب الوقت بالميلاد = والا أسمع من هروج الناس لو كثرت نمايمها
ولا يالعازمي لاتشعب القشرا بدون شداد = ترا الله محصي العربان وأرزاقه مقسمها



حبيب العازمي

تعدت كارثة كابل وحلت كارثة بغداد = ولا يالله تجعل خير الأمه في خواتمها
ليامنا شعبناها على وضح النقى المنقاد = كسرنا شوكة العدوان حين أنى نصادمها



مستور العصيمي

ليا لميتها مشكور وأن خليتها وش عاد = نبى نلقا لها يالعازمي ناسٍ تليمها
نوصلك الخبر ياصاحبي والعلم لاينعاد = ليا منك عزمت الناس لاتقعد تهاجمها



حبيب العازمي

ولا يالادمي رزقك يجي لو تكره الحساد = لاتبني قبة الشيطان والرحمن يهدمها
ترانا مانحاسبكم على دله ولا براد = نحاسبكم على بعض الأمور اللي نحرمها



مستور العصيمي

حبيب ياحبيب مالنا غير البلاد بلاد = طلعنا للثريا والقمر من فوق سلمها
يقولون العرب قشرا بغير خطام ماتنقاد = وحنا دونها والروس تزهاها عمايمها



حبيب العازمي

طلعتوا للثريا والثريا فوقها الرواد = ولاكن البلا اللي ياكل التمره مايطعمها
ولاياربعنا اللي شركم طول السنه يزداد = تعالوا دونها والروس تلقى من يحجمها



مستور العصيمي

ولا يالله في كل الجهات تكثر الأجواد = وهذي كلمةٍ مني تسلمها وسلمها




ولكم خالص ودي وأحترامي