أنا يوم أشرف وأكشف الجو بالدربيـل
أدير الروابـع وينهـم يممـوا صوبـه
تقافوا جنوبٍ وانتحوا بين يـوم وليـل
وهل البل ليا شدوا على مثلي عقوبـه
عذاب الموظف لاتقافوا يابـن منديـل
على غير ماوده رجع ماقضـى نوبـه
احب الطبيعه والمشاغل تهـد الحيـل
والأرزاق عند مدبـر الكـون مكتوبـه
ليا شبعت البل والعشب فاح عقب السيل
وشفت المواتر قدمهـا النـار مشبوبـه
اعيف البلاد ومجلسٍ فيه قـال وقيـل
وناسٍ لياشافـوا المؤشـر تعايـوا بـه
على شاشة الاسهم مثل حلقـة التمثيـل
ضحايا هواميرٍ خطاهـم تمـادوا بـه
وأنا لي طموحٍ مايناسبه بعض الجيـل
أعيش بخيالٍ منـه الافكـار مهيوبـه
ولاهمني منهو يضيـع جمـال عقيـل
جزيل العطايا ايحاسب العبـد بذنوبـه
لو إن الحقايـق ثابتـه مابهـا تبديـل
كشفت المذيع وخافي العلـم ذاعوابـه
الله الله الله
صح لسانك يابو ضيف الله ,,
جزاله وتفرد وابداع لانستغربها منك لانك اهل لها ,,
تحياتي
|