السلام عليكم

بسيطه وارجو ان تشفع لي عن الغياب...


[POEM="font="Simplified Arabic,5,black,normal,normal"
bkcolor="transparent" bkimage="" border="none,4,gray" type=2 line=0 align=center use=ex num="0,black""]


الليل مسرى والفكر لاناف..ناف=يسعد مساء المستعصيه والضاويه
وانا اتميز بالشموخ بكل قاف=ولانيب غاوي والاوادم غاويه
اكتب للاذواق الثقيله والخفاف=واخلي اذواق العدم متخاويه
ياشيراتون دوحة قطر سبعك اعجاف=حتى حدائق بهو صدرك خاويه
ماكن بك لوبي,,ومقهى ,,وائتلاف=ما كن فيك الا السباع العاويه
ومداخلك ملت وعذبها الوقاف=واخاف يوم اشوفها متهاويه
حزنك على اللي كل ما عدا وطاف=غذى مساراتك خلايط جاويه
ذاك الرقيق ..معذب قلوب الرهاف=اللي ليا مر الجريح ايداويه
لاساق خطواته وجاء في الانتصاف=صار الركن والزاويه متساويه
والركن نفس الزاويه والاختلاف=ماهوب ..منه..من الركن والزاويه
فديت طوله لا تثنى واستخاف=وحقق خطر بعض القلوب الناويه
وخصر بكفه ثم عطى الخصر انعطاف=تكاثره كفه وانا متشاويه!!
عوده على بعضه يحب الالتفاف=حريره بليونته متلاويه
تحس كن الارض ما فيها جفاف=وكنها من المي الطبيعي راويه
لامرني واشر بكف الالتطاف=اشر بكفي للعروق الذاويه
اجحد ما في نفسي من الشوق المضاف=واثقل وانا على شفاة الهاويه
ماودي اشرح له عن اشواقي يخاف=مطبقٍ معه قانون معاويه
ادوي مع رمشاً ليا سلهم ولاف=مشاعرٍ على مساره داويه
لا طبق الرمشين زافٍ فوق زاف=ابغي اسوق الرجل ماهي قاويه
قال الركن والزاويه !! فيها اختلاف؟=قلت الركن يشبه مقاس الزاويه
قال الـ جلا!! ماهوب يعني طاف ..طاف؟=قلت المعاني كلها متساويه [/POEM]