الليـل مسـرى والفكـر لانـاف..نـاف
يسعـد مسـاء المستعصيـه والضاويـه
وانـا اتميـز بالشمـوخ بـكـل قــاف
ولانـيـب غــاوي والاوادم غـاويـه
اكتـب لـلاذواق الثقيـلـه والخـفـاف
واخـلـي اذواق الـعـدم متـخـاويـه
ياشيراتون دوحة قطر سبعـك اعجـاف
حتـى حدائـق بهـو صـدرك خاويـه
ماكـن بـك لوبي,,ومقهـى ,,وائتـلاف
مـا كـن فيـك الا السبـاع العـاويـه
ومداخلـك ملـت وعذبـهـا الـوقـاف
واخـاف يــوم اشوفـهـا متهـاويـه
حزنك على اللي كل مـا عـدا وطـاف
غـذى مسـاراتـك خـلايـط جـاويـه
ذاك الرقيق ..معـذب قلـوب الرهـاف
اللـي ليـا مــر الجـريـح ايـداويـه
لاساق خطواته وجـاء فـي الانتصـاف
صـار الركـن والـزاويـه متسـاويـه
والركـن نفـس الزاويـه والاخـتـلاف
ماهوب ..منه..مـن الركـن والزاويـه
فديـت طولـه لا تثـنـى واستـخـاف
وحقق خطـر بعـض القلـوب الناويـه
وخصر بكفه ثم عطى الخصر انعطـاف
تكـاثـره كـفـه وانــا متشـاويـه!!
عـوده علـى بعضـه يحـب الالتفـاف
حـريــره بليـونـتـه مـتـلاويــه
تحـس كـن الارض مـا فيهـا جفـاف
وكنهـا مـن المـي الطبيعـي راويــه
لامرنـي واشـر بـكـف الالتـطـاف
اشــر بكـفـي للـعـروق الـذاويـه
اجحد ما في نفسي من الشوق المضـاف
واثقـل وانـا علـى شـفـاة الهـاويـه
ماودي اشرح له عـن اشواقـي يخـاف
مطـبـقٍ مـعـه قـانـون مـعـاويـه
ادوي مـع رمشـاً ليـا سلـهـم ولاف
مشـاعـرٍ عـلـى مـسـاره داويــه
لا طبـق الرمشيـن زافٍ فــوق زاف
ابغـي اسـوق الرجـل ماهـي قاويـه
قال الركن والزاويه !! فيهـا اختـلاف؟
قلـت الركـن يشبـه مقـاس الزاويـه
قال الـجلا!! ماهوب يعني طاف ..طاف؟
قـلـت المعـانـي كلـهـا متسـاويـه
زايد بهذلتني يااخوي
كل مانقيت بيت لقيت اللي عقبه احلى منه
لله دررررررك وصح الله لسانك
والقصيده هذي غييييييييير
وصف غيييييييييييييييير
مانتب مسبوق عليه
اعجابي بك ياشيخ ومتابعتي وتحياتي
سلام
|