وش بقا للغرام وطاري الفرقا
غير كلمه مابين اشفاك وشفاهي
آخر الحب ناحت فوقه الورقا
جاوب لحونها ماقدمك إلا هي
السما فوق راسك لونها زرقا
والغلا مانت فيه الآمر الناهي
وان تغيّر حمار خدودك الطرقا
واذبلت عينك اللي رمشها ساهي
وش علي بخفوقك يحترق حرقا
مثل ماجيت راهي بتركك راهي
انت طامع بقلبي تسرقه سرقا
واكبر أخطاءك انك جيت متراهي
ماتعرف البحر مايرحم الغرقا
وان ماينخلق مثلي ولااشباهي
ارفعك وانزلك واحوّلك وارقا
خبرة الحب تلعب فيك يالفاهي
وإلا انا يوم اصلي بخافقك شرقا
والله اني بغيرك منشغل لاهي




الله الله الله الله


قصيده عذبه الى اخر الحدود



لله درك

وبدون مجاملات

يعطيك العافيه

وبيض الله وجهك

تحياتي لك