السلام عليكم جميع

من باب التواصل بويتات كانت توقيع وتمادت
تفضلول وسامحوني على تواضعها


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا واعذابي كلما روّح النسناس = وانا في الكويت وغايتي في السعوديه
:
ماغير اتوجد واضرب اخماس فوق اخماس = ابي غايتي وظروفي الصعبه معيه
"
ظروف الحياه وربطة الزام والهوجاس= وغيره علومٍ..... بالتناهيت مقفيه

"
حدتني على العزله وانا احب قرب الناس = واحب اجتماعٍ بين ربعٍ شقرديه
"
واحب البداوه واهلها طيبين الساس= اهل طرش واهل بيوت بالعز مبنيه
"
بيوتٍ ليامن مرّها الضيف مايحتاس = يحصل تراحيبٍ من القلب مهديه
"
وفاله فناجيلٍ تصحي عروق الراس=بعد ماطبخها القرم بدلال بريه
"
خذا ساعةٍ يتعب على البن بالمحماس = وحرّص عليها مابها حبةٍ نيه
"
وعقبه علومٍ طيبه مع هل النوماس =علوم الرجال اللي تواريخهم حيه
"
يهرجون في تال المواضيع والدراس= دروسٍ تفيد اللي مع اول مباديه
"
وعقبه يحطون الشحم باوسط الجلاس = ويقلط عليه الضيف واللي بعد زيه
"
حقوق الرجال اللي لها حسبه ومقياس=ويحرص عليها اللي بعيده هقاويه
"
هذي غايتي يالايمي والرجال اجناس =ولاهمني باق المواضيع موليه[/POEM]


وسلامتكم جميع