مرزوق الروقي

انـا واعذابـي كلـمـا روّح النسـنـاس
وانا في الكويت وغايتي فـي السعوديـه
ماغير اتوجد واضرب اخماس فوق اخماس
ابي غايتـي وظروفـي الصعبـه معيـه
ظروف الحياه وربطة الـزام والهوجـاس
وغيـره علـومٍ..... بالتناهيـت مقفيـه
حدتني على العزله وانا احب قرب النـاس
واحـب اجتمـاعٍ بيـن ربـعٍ شقـرديـه
واحب البداوه واهلهـا طيبيـن السـاس
اهل طرش واهـل بيـوت بالعـز مبنيـه
بيوتٍ ليامـن مرّهـا الضيـف مايحتـاس
يحصـل تراحيـبٍ مـن القلـب مهديـه
وفاله فناجيـلٍ تصحـي عـروق الـراس
بعـد ماطبخهـا القـرم بـدلال بـريـه
خذا ساعةٍ يتعب علـى البـن بالمحمـاس
وحـرّص عليهـا مابهـا حـبـةٍ نـيـه
وعقبه علومٍ طيبـه مـع هـل النومـاس
علـوم الرجـال اللـي تواريخهـم حيـه
يهرجون في تـال المواضيـع والـدراس
دروسٍ تفيـد اللـي مـع اول مبـاديـه
وعقبه يحطون الشحم باوسـط الجـلاس
ويقلط عليه الضيـف واللـي بعـد زيـه
حقوق الرجال اللي لها حسبـه ومقيـاس
ويحرص عليهـا اللـي بعيـده هقاويـه
هذي غايتي يالايمـي والرجـال اجنـاس
ولاهمنـي بـاق المواضـيـع مولـيـه


ياحلو ماكتبت يابندر ,, صح لسانك والله ,,

تحياتي

http://www.m-roq.com/