الله الله الله الله يا بوتركي
ما أجمل محاسبة النفس
وما أجمل هذا البدع الهادئ الجميل
أدركت في عمري من العمر القصير
أشيـا كثيـره والقليـل يسـدّهـا
لو ماتعلمّت الرماية مـن صغيـر
يمديني اللـي رايـحٍ مـع يدّهـا
ماكنت أحسب إن الليالـي تستديـر
حتّى تبيّـن مزحهـا مـن جدّهـا
لكنّ عونك .. يامعيـن المستخيـر
أوكلك نفسي يـوم نفسـي ضدّهـا
عن رحمتك مالي ملاذ ولا مسيـر
والنار عن وجهي طلبتـك صدّهـا
والبارحه بين المعاصـي والستيـر
طأطأت رآسي من خجـل لاأعدّهـا
تبعت شهواتي وعانـدت الضميـر
تقتادني .. مدري وش اللي قدّهـا
مالي مجير ألاّ مجيـر المستجيـر
اللي نظر يعقـوب بأمـره ردّهـا
من شرّ نفسي والهوى واللي يصير
عن ماجهلتـه .. فالحيـاة يلدّهـا
وأسبغ عليّه نعمتك وأنـت الكبيـر
فالآخرة .. بيـن الجنـان وعدّهـا
قرأت كثيرا حول هذا الموضوع الذي يطرقه كل شاعر مسلم يعبد الله ويخشى عقابه لكن بهذا
الاختصار الكايف لم أقرأ !!
نسأل الله ان يسبغ عليك وعلينا معك نعمته ورحمته يوم لقياه ،،
وصح لسانك مليون .
|