ماكنت أحسب إن الليالـي تستديـر
حتّى تبيّـن مزحهـا مـن جدّهـا
لكنّ عونك .. يامعيـن المستخيـر
أوكلك نفسي يوم نفسـي ضدّهـا
عن رحمتك مالي ملاذ ولا مسيـر
والنار عن وجهي طلبتـك صدّهـا
والبارحه بين المعاصـي والستيـر
طأطأت رآسي من خجل لاأعدّهـا
تبعت شهواتي وعانـدت الضميـر
تقتادني .. مدري وش اللي قدّهـا
مالي مجير ألاّ مجيـر المستجيـر
اللي نظر يعقـوب بأمـره ردّهـا
من شرّ نفسي والهوى واللي يصير
عن ماجهلتـه .. فالحيـاة يلدّهـا
وأسبغ عليّه نعمتك وأنـت الكبيـر
فالآخرة .. بيـن الجنـان وعدّهـا
اللهم آمين .. اللهم آمين .. ويشملنا برحمته وغفرانه ..
ابوتركي ..
عزفت على وتر حساس جدا جدا جدا .. والشهاده لله انك لامست كل جرح بهذه الروحانيّه .. وياكثر من طأطأ برأسه خجل .. لكن عسى الله يغفر ويرحم ويعفو ..
اعجابي الكامل لو سمحت
وسلامي عليكـ ,
|