شبت فتيلـة مـن زنـاد وقديـح
يوم المـوازر غطرفـن للسـلاح
مخباطهن ماهـو قريـب مطيـح
يدب بنات الريح يـوم الصبـاح
ظرفه يقض مـوردات الضريـح
قضيض نجم من سماء الكون طاح
حول من بروجه علـى المستبيـح
عوايـده مـا يرتطـم بالبـراح
دوايـر التفكيـر ماهـي ضبيـح
ياحليلكـم ياقليلـيـن النـصـاح
النصح مايجفا ضميـر النصيـح
وبعض النصايح تقل سـم ذحـاح
اللـي يمـس بطانهـا لايصيـح
ينطح لقاء الهيجاء وزرق الرماح
وألا عن سروج الوغى يستريـح
ويريح ومـن اللـوم كلـه يبـاح
الصمت في بعض المواقف قبيـح
والقبح تنطيح الصيـاح الصيـاح
عاداتنـا تابـى الكـلام البجيـح
وأهل البجاحة ماوراهـم صـلاح
والحاجة اللـي ماوراهـا لحيـح
راحت مراح مقيط من حيث راح
وين أنت ياشعر الغزل والمديـح
أدورك وأثـرك بعيـد المشـاح
هيض القريحة بكر ماهو قريـح
ألذ وأعـذب مـن لذيـذ القـراح
غنيـت لعيـون الغـزال المليـح
والطير للعلياء صفـق بالجنـاح
ياسلاااااااااام عليك
وبيض الله وجهك قصيده رائعه
تقبل مروري البسيط
وصح لسانك لين ترضى
تحياتي لك
|