راكب اللي لاعطيته مع الخـط السريـع
واستوى خطه ماجـا للشكاميـن ادخنـه
وارد ال بي ام مركب هل الذوق الرفيـع
من غلا تسعيرته تقصر الايـدي عنـه
لو تصف الجيب هو والشبح جنبه جميع
من فخامة مركبـه كلهـن غـارن منـه
صممه فكـرن مكلـف بمـا لايستطيـع
لين اجاد به التصاميـم والشكـل اتقنـه
اخره عن مقدمه في نظر عينـي رفيـع
انسيابـي مقدمـه عـن مقفـاه خبنـه
لااعترض ثم جا لبديه على الضيحه لميع
جيد من يسبي خفا الروح والقلب افتنـه
ولااشتغل ووحيت صوته بكا طفل رضيع
يدخلك في جو ثاني ليـا وحيـت لحنـه
قام ينحب مثل شالح على اخوه الفديـع!!
عقب مـارز النصايـب لقبـره وادفنـه !!
ولامشى ثم انحنـى للهوى كنـه مطيـع
انحنايـة شايـب جـار وقتـه واغبنـه
المواتر معـه دايـم هقاويهـن تضيـع
يقعدن مع ايسـره يقعـدن مـع ايمنـه
لادعست اسليتره وانتهض مثل الشجيـع
في نهار ساق عمـره لموتـه وارهنـه
المواتر من خلافه علـى الساقـع تبيـع
لاشتغل ثم فـر ويلـه والانبيـر اركنـه
داخليـه يدخلـك نشـوة ايـام الربيـع
في فياض عشبها رايح المـزن اغشنـه
كن طبلونـه بنـوره ومنظـره البديـع
شاشة الاسهم بصالات عـرض معلنـه
وكن قيره من ورى طارته خصرن مجيع
وده المطلاع ميـر الدرقسـون احضنـه
وشاشته وازرته شكلهـا شكـل فظيـع
قمرة الميـراج فازرتـه هـو واكشنـه
نصه اللي في لزومه كما السـد المنيـع
يوم بعض الناس فالازمـه يومـه سنـه
نصه مفرح وكب الوضيع ابن الوضيـع
ابوفارس سعد من جار وقتـه واغبنـه
راعي الفزعات والثقل والبـال الوسيـع
والكرم والعرف والطيب والجود اظمنـه
سعد عين للرفاقه عمـى عيـن اللكيـع
شاد بيت العز من طيب راسه واسكنـه
يوم بعض اصحابنا فالقسا زبـده يميـع
واخسارة شارب بـزرق العـود ادهنـه
فالسعه يقرع لسانه كمـا الشنـه قريـع
وفالقسا يودع بقلبك من الغبـن اطعنـه
جعل من ينسى صنيع الرجال اهل الصنيع
جعل قسمه عنـد رب السمـاوات لعنـه
الله الله الله
ماشاءالله يامرزوق
صح الله لسانك مليون
قصيده فعلا رائعه بروعة شاعرها
تحياتي لك
|