وله ايضا:
دنياك ما دامت لحي تصافيه
من خلقة ادم والوحي والمنادي
من زاد ماله صار كل يواليه
تقضى له الحاجة وكل المرادي
وان وافقه صادوف كل طعن فيه
وكل خلق له فيه عيب وسوادي
والطيب يـ مفرح صعيبه مراقيه
ما ينتحي لـ اللاش عنده مقادي
من لايودك لاتمناه ترجيه
ورا عيال الناس مالك مزادي
اللى عطانا الطيب نوفي ونجزيه
ونزيد له عوده بمسك وزبادي
ولد الردا ملزوم محد يجازيه
محدن يجازي بالردا فعل غادي
والحر حر ويرفعنه مجانيه
والبوم عوق مجربه بالهدادي
من صدق الخلان ضاقت هقاويه
(خلان من جادت نعيمه وجادي)
والظلم شين وحايمات ضواميه
وكسبه حرام وتاليه للحصادي
ومن قارب النمام ياطا مواطيه
على القدا ولا على غير قادي
ومن لا احترم جاره وضيفه وعانيه
عساه ماله عند ربه منادي
وعساه ما يلقى صديق يناديه
ويروح ماله بالتلف والنفادي
|