منتديات المرقاب الأدبية - عرض مشاركة واحدة

04-05-2007, 04:37 AM

يتبع ..

مقدمة عن الشاعر ( بديوي بن جبران الوقداني ):

اذا كان للشجاعة والفروسية شعراءها فإن للحكمة والموعظة والأمثال شاعرها الأوحد ومبدعها الأول اعترفت له مجالس الشعر ودواوينه في داخل الجزيرة وخارجها بانه فارس الكلمة ومبدع الحكمة ، كتب أشعاره في العامية والفصحى ووصلنا منها الكثير وسقط منها الكثير.
اطلع ( طه حسين ) على أشعاره وهو يبحث عن الموروث الأدبي في العصر الحديث في منطقة الحجاز وعندما قرأ بعض قصائده قال : ( لو أن هذه الشاعر البدوي الأصيل كتب أشعاره بالفصحى لنسي الناس المتنبي ).
وقال عنه الشاعر الكبير ( حسين سرحان ) رحمه الله بأنه شاعر الحكمة ومتنبي الشعر الشعبي.
يمتاز شعره بالحكمة والصدق وعدم التعصب لفكر او عنصر معين يخرج شعره من قلبه كما يخرج الماء العذب الصافي لا يكدره تكلف أو فخر زائف أو فجور في غزله كلماته سهلة ليس بها صعوبة
أو غرابة ، في اسلوبه نعومة وفي كلماته رشاقة وعذوبة وان من شعره لحكمة وسحرا .
ورد في كتاب ( نزهة الفكر فيما مضى من الحوادث والعبر ) لأحمد الحضراوي الهـاشمي الذي التقى ببديوي وتعرف عليه عن قرب وكتب عنه مـا نصه :
اسمه : ( بديوي بن جبران بن جبر بن هنيدي بن جبـر بن صـالح بن محمد بن مسفر الوقداني السعدي – نسبة إلى بني سعـد – العتيبي ) وعتيبـة بطن من هوازن القبيلة المشهورة ، نزيل الطائف المأنوس ، ولد بوادي النمـل وهو محـل على فرسخ من الطائف سنة 1244هـ ( 1829م ) وتربى به ثم سكن الطائف لتحصيل العلم والمعاش ، وكانت له قريحة بالعربية ثم نظـم القريـض ولقّب بـشـاعر الحجاز ، فهــو شاعـر لطيف ومغـوار غطريف . تخضع لشعره بلابل الأغصان وتنصت لغزله مسامع كل إنسان ، اجتمعت بحضـرته بالطائف المأنوس سنة 1287هـ وقبل هذه السنة لنا معه اجتماع كثير ومحاضرات لطيفة .
ومن الأبيات الجميلة بالفصحى التي أوردها الحضراوي في كتابه :

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سواجع الشوق باتت في أغانيها=تتلو فنون الهوى والوجد يمليها [/POEM]

توفي بديوي الوقداني في الطائف عام1296هـ - 1853موعمره اثنان وخمسون عاما حسب ما ورد في بعض المصادر.
أما المصادر التي حفظت أشعاره فهي بعض الشعراء الحفاظ الذين تناقلوا اشعاره من جيل الى آخر وبعض الموروثات الموجوده عند بعض الشعراء القدماء من جماعته ومن قبيلته.
أما المصدر الثاني الذي حفظ بعض قصائد هذا الشاعر فهو كتاب ( الأزهار النادية ) لمؤلفه الأستاذ
( محمد سعيد كمال ) الذي يقول عنه : بديوي الوقداني من قبيلة وقدان التي تسكن ضاحية " نخب " بالطائف خرج هذا الشاعر في عصره حاملاً لواء الشعر . إذا غرد أسكت البلابل ، وإذا غنى أطرب المحافل فارس الميــدانين : القريض والحميني ( الفصيح والنبطي ) مدح وجهاء عصره ونال جــوائزهم ، وبز أقرانه فلم يلحق له غبار . كان في بدء أمره مشهوراً بنظم " الحميني " ثم قرأ قليلاً من النحو والأدب فنظم القريض وأجاد فيه.

و "وقدان " جزء من بني سعد من قبيلة " عتيبة " وقد أكد "بديوي " نسبه إليها أكثر من مرة في شعره حيث يقول :

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]دللّت بالروح لين ارخصت جانبها=وأنا عتيبي عريب الجد والخالي [/POEM]

ونقدم لكم أروع قصائده على هذا المنتدى هدية للقراء من منتدى الهيلا :

1) - القصيدة الأولى : يقول الشاعر بديوي الوقداني العتيبي في قصيدته الرائعة التي اشتملت علىجميع اغراض الشعر من الغزل والمدح والحكم وغيرها

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

أول استبـداي باسمـك ياحنـون=ياكريـم مـا تخالـفـه الظـنـون
امرك المحفوظ فـي كـاف ونـون=وانت لي فـي كـل مغـواة دليـل
هيج اشواقي حمام فـي الغصـون=بات ساجع فـي بديعـات اللحـون
بيـن تغريـد وترجيـع يـهـون=مادرى اني في الهوى مثله عليـل
ياحمـام الـدوح هيجـت الغـرام=ما سبب نوحك ومالك مـن مـرام
اعطني عهدك وخـذ منـي ذمـام=بيعني شوقك وخـذ شوقـي بديـل
ان فـي قلبـي جـروح ماتطيـب=مابـدت حتـى يداويهـا طبـيـب
من هواجس جات من فرق الحبيب=باح مكنونـي وصبـري مستحيـل
كلمـا هـب الصبـا قلبـي صبـ=امن غزال في الحمـا فـاق الظبـا
ظبي جازي يرتعـي نبـت الربـا=يسلب العشـاق بالطـرف الكحيـل
مـال عنـي بالتجافـي والصـدود=مابقي غيـر الحسايـف والوجـود
كم رعيت النجـم والعالـم رقـود=والمحاجر دمعها الصافـي يسيـل
زارني طيفه كمـا طيـف النسيـم=جـدد الاشـواق والعهـد القديـم
وانثنى في داجـي الليـل البهيـم=قلت زدنـي قـال يكفيـك القليـل
آه مـن هـم شـوى قلبـي بنـار=وان طلبـت الصبرماالقالـه قـرار
كيـف ابـا صبروالحشـا للهم دار=صار مالكنـي وانـا عنـده نزيـل
قمت مما حسنـي عنـد الهجـوع=يـوم كـل نـام ولعـت الشمـوع
والهواجس جاتني تمشـي جمـوع=مثل ورد النحل فـي وادي طفيـل
أو كما سيل تسايـل مـن مضيـق=يقلـع الحيطـان والسـد الوثيـق
يأخـذ الاشجـار ويسـد الطريـق=زاد عن حده وضاق بـه المسيـل
طار نومي يوم نامـت كـل عيـن=بت ساهر مـع نجـوم الفرقديـن
من هواجس من جفا من جور دين=ما بقا الا البعـد عنهـا والرحيـل
صوب ارض الشام أو ارض العراق=عـل يـوم فيـه ينحـل الوثـاق
كم نقاسـي والقسـا مـر المـذاق=ربما نلقـى عـن المنـزل بديـل
دع بـلاد الـذل وارحـل يالبيـب=واغتـرب فالكـل بالدنيـا غريـب
القضا مكتـوب والداعـي نصيـب=اركب الاخطـار والهـول المهيـل
وان جفتك الدار أو مـال الزمـان=لاتعيـش بــدار ذل أو هــوان
لو يظلـي نبتهـا مـن زعفـران=صاحب الاخطـار واجعلهـا دليـل
شد عن ارض الاعادي والحسـود=واطلـب العليـا وبالـغ بالجهـود
لو يكون العز في غـاب الاسـود=خير من دار تعيـش ابهـا ذليـل
كـل مـن رام العـلا يرقـى لهـا=سلـم الاخطـار فــي اهوالـهـا
مـن تراخـى عزمتـه مانالـهـا=دونهـا يقصـر البـاع الطـويـل
اقطع البيدا علـى عـوج النضـا=لو يكن تمشي على جمـر الغضـا
مـا يفـوت العمـر قـدام القضـا=دين عنـدك ليـن ياتيـك العميـل
عاشر الاحرار مـن اهـل الرتـب=تستفيـد العـقـل منـهـم والادب
حيث هم اهـل المـروة والنسـب=واترك الانذال مـا منهـم حصيـل
سل عن الجيـران قـدام النـزول=وان سمعت الناس تهـرج لاتقـول
تكتسـي ثـوب المعـزة والقبـول=والخلايـق يذكرونـك بالجمـيـل
كم كـلام راح فـي نقلـه نفـوس=وانت ماتاخذ علـى نقلـه فلـوس
لاتفتش كـل حـب فيـه سـوس=كم تخوض الناس في قـال وقيـل
صون عرضك من ملاغات السفيه=واترك الكذبـان سـودان الوجيـه
من حكى عنهم يعود الكـذب فيـه=كيف تاخذ هرج مـن بايـر هبيـل
اترك البيت الردي وانص الرجـال=خذ عريب البيت من عـم وخـال
يوم تنظـر فـي ولدهـا كالهـلال=وان مشى بالدرب ما يغوى الدليـل
خذ عزيز البز من زيـن القمـاش=والردي لو كان يعطونـك بـلاش
ما يفيدك كيف تاخـذ شـي مـاش=بيعـة المغبـون منهـا يستقـيـل
دور الطيـب لـو وغـال الثمـن=لو يكون القصد في صنعـا اليمـن
لا تغرك صقلـة الوجـه الحسـن=ابـذل المجهـود بالمـال الجزيـل
الذهـب مـا يخلطونـه بالنحـاس=غير بعض الناس ما عنده قيـاس
خذ نصايح ما حواها بـو نـواس=مثل نظم الـدر واللولـو الأصيـل
وان ملكت المال لاتغـدي شحـوح=اطعم الجيعـان واكسـي كـل روح
الدبـش والمـال لابـده يــروح=والثنا والمجـد جيـل بعـد جيـل
هم روحك واغتنم عصر الشبـاب=ان لـلأيـام مـيـل وانـقــلاب
ونت فيها تنطـوي طـي الكتـاب=لاتغـرك صحـة العمـر الطويـل
اترك الدنيا ليـا جاتـك ضحـوك=لا تغـرك بالملاعـب والشـكـوك
كم غرر فيها وكـم غـرت ملـوك=ضحكها غرار ما اسرع مـا تميـل
والعدو لا تأمنـه لـو بعـد حيـن=لو حلف بالبيت والركـن اليميـن
الحقد والبغض فـي قلبـه دفيـن=وان ضحك بالوجه قلبه لك غليـل
خـل عنـك الكبـر فالله الكبـيـر=لا تحاقـر عـاجـز والا فقـيـر
واعلـم ان الأمــر لله الخبـيـر=يقصـم الجبـار ويعـز الذلـيـل [/POEM]

2 ) - القصيدة الثانية وهي المشهورة بين العرب وهي لوحة فنية رائعة يرسم الشاعر فيها طبيعة الوقت الذي يعيش فيه من الفقر والحاجة والعوز ويتحدث عن جفاف الارض وعدم نزول المطر ويتألم من الحالة التي وصل اليها بالرغم من انه ينتمي الى قبيلة عتيبة وانه عريب الجد والخال. يقـــــول بديوي الوقداني

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ايامنـا والليـالـي كــم نعاتبـهـا=شبنا وشابت وعفنا بعض الاحوالـي
تاعـد مواعيـد والجاهـل مكذبـهـا=واللي عرف حدها من همهـا سالـي
ان اقبلت يـوم ماتصفـي مشاربهـا=تقفي وتقبل وما دامـت علـى حالـي
فـي كـل يـوم توريـنـا كبايبـهـا=واليوم الاول تراه احسن مـن التالـي
ايـام فـي غلبهـا وايـام نغلبـهـا=وايام فيهـا سـوى والدهـر ميالـي
جربت الايـام ومثلـي مـن يجربهـا=تجريب عاقـل وذاق المـر والحالـي
نضحك مع النـاس والدنيـا نلاعبهـا=نمشي مع الفي طوع حيـث مامالـي
كم مـن علـوم وكـم اداب نكسبهـا=والشعـر مـازون مثقـال بمثقالـي
اعرف حروف الهجا بالرمز واكتبهـا=عاقل ومجنون حاوي كـل الاشكالـي
لكـن حظـي ردي والـروح متعبهـا=مافادني حسن تأديبـي مـع أمثالـي
ان جيت ابي حاجة عـزت مطالبهـا=العفو ما واحد في النـاس يـا والـي
قـوم ليـا جيتهـا رفـت شواربهـا=بالضحك وقلوبها فيها الـردى كالـي
وقوم ليـا جيتهـا صكـت حواجبهـا=وابدت لي البغض في مقفاي واقبالـي
ما كني الا اسمـوي حـال مغضبهـا=والكل فـي عشرتـه ماكـر ودجالـي
يا حيف تخفىامـور كنـت حاسبهـا=والاهل واصحابنـا والـدون والعالـي
والروح وش عذرها في ترك واجبهـا=راح الحسب والنسب في جمع الاموالي
نفسي تبى العز والحاجـات تغصبهـا=ترمي بهـا بيـن اجاويـد وانذالـي
المـال يحيـي رجـال لاحيـاة بهـا=كالسيل يحيي الهشيم الدمـدم البالـي
عفت المنازل وروحي يـوم اجنبهـا=منها غنيمة وعنها البعـد اولـى لـي
لاخير في ديرة يشقـى العزيـز بهـا=يسشي مع الناس فـي هـم واذلالـي
دار بهـا الخـوف دوم مـا يغيبهـا=والجوع فيها ومعها بعض الاحوالـي
جوعى سراحينهـا شبعـى ثعاليبهـا=الكلـب والهـر يقـدم كـل ريبالـي
عز الفتى راس ماله مـن مكاسبهـا=يا مرتضي الهون لا عـز ولا مالـي
دللت بالروح لين ارخصـت جانبهـا=وانا عتيبي عريـب الجـد والخالـي
قوم تدوس الافاعـي مـع عقاربهـا=ولها عزايـم تهـد الشامـخ العالـي
خل المنـازل غـراب البيـن يندبهـا=يبكي عليهـا بدمـع العيـن هطالـي
لاتعمـر الـدار والقـلات تخربـهـا=بيع الردي بالخسارة واشتـر الغالـي
ماضاقت الارض وانسـدت مذاهبهـا=فيها السعـة والمراجـل والتهفلالـي
دار بدار وجيران بجيـران نقاربهـا=وارض بارض واطـلال بـا طلالـي
والناس اجانيب لين انـك تصاحبهـا=تكون منهـم كمـا قالـوا بالامثالـي
الارض لله نمشـي فــي مناكبـهـا=والله قــدر لـنـا ارزاق واجـالـي
حـث المطايـا وشرقهـا وغربـهـاواقطع بهـا كـل فـج دارس خالـي
واطعن نحور الفيافـي فـي ترايبهـا=وابعد عن الهم تمسي خالـي البالـي
مـن فـوق عمليـة تقطـع براكبهـا=فدافـد البيـد درهــام وزرفـالـي
تبعدك عـن دار قـوم ودار تقربهـا=واختـر لنفسـك وللمنـزال منزالـي
لو مت فـي ديـرة قفـرا جوانبهـا=فيها لوطي السباع الغبـس مدهالـي
اخير مـن ديـرة يجفـاك صاحبهـا=كـم ذا الجفـا والتجافـي والتعلالـي
دوس المخاطر ولا تخشـى عواقبهـا=تسعى على الرزق ماحـت للاشبالـي
والشمس في برجها والغيـم يحجبهـا=قفي وتقبل لها في العـرش مجدالـي
رب السمـاوات يامحصـي كواكبهـا=يا مجري السفن في لجات الاهوالـي
ضاقت بنا الارض واشتبـت لهايبهـا=والغيـث محبـوس يـارزاق ياوالـي
يالله مـن مزنـة هـبـت هبايبـهـا=رعادها بات له فـي البحـر زلزالـي
ريح العوالي مـن المنشـا تجاذبهـا=جذب الدلي من جبا مطويـة الجالـي
ديمومـة سبلـت والاخـت ذوايبهـا=وانهل منهـا غزيـر الوبـل همالـي
تسقي ديار شديـد الوقـت حاربهـا=ما عاد فيها لبعـض النـاس منزالـي
يـا جاهـل اسمـع تماثيـل مرتبهـا=فيها معانـي جميـع القيـل والقالـي
مثـل المحابيـب زادت فـي قوالبهـا=في صرفها زايدة عن قرش وريالـي
يـارب توبـه وروحـي لاتعذبـهـا=يوم القيامـة اذا ماضاقـت اعمالـي
وازكي صلاتي على المختار واوهبهـا=شفيعنا يـوم حشـر فيـه الاهوالـي [/POEM]

3) - تفكر بديوي الوقداني في زمانه وفي دنياه التي يعيش فيها والتي شبهها بالعجوز المتقلبة المزاج وفي الارزاق الشحيحة والاسعار الغالية ، وقال هذه القصيده الرائعة التي تصلح لكل زمان ومكان

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

آخر زمان وكل مـن عـاش خبـر=وبغيت اقول الميت ارجى من الحـي
ورد حبالـه فـي زمانـه وصـدر=ان كان اهو ضميـان ولا روى ري
ما عاش في هـذا الزمـان المغيـر=واحواله اللـي ماعرفنـا لهـا زي
دنيـا عجـوز وغيهـا مـا تغيـر=تضحك مع الجاهل وتعجب هل الغي
جار الزمـان وسـل نابـه وكشـر=واسعار طارت والمخاليق فـي لـي
وقام الامـام وسـل سيفـة وكبـر=واهتز من صنعاء ليا بـاب منبـي
والشمس دارت وجهها واقتوى الحر=ما عاد يمنع من لضا حرهـا الفـي
والطير الاصفر عاشر الطير الاخضر=بطيور ما نعرف لها وجـه وقفـي
والنار شبت والحطب سـاع جمـر=واللي يدوس النار يصبر على الكي
والنيل فاض وظنتي يخـرب البـر=واهل البيوت الطارفـة مالهـا تـي
بعنوانها باخبرك عن كـل ماضمـر=شبت وشابت وابدلت عود بصبـي
وراع النصيحة ضاع نصحه وعـذر=قال اسمعوا لكن مـا يسمـع الحـي
وريح العوالي قابلت ريح صرصـر=وكل مافيها جـرى شـوف عينـي
والنمل جاله ريـش نسـر وعمـر=وان استمر الحبل لابـد مـن لـي
والنمـر حنـب والحصينـي تنمـر=حاسب حساب الغاب من جملة الفي
وان كان الافعى نابهـا مـا تكسـر=عضت وسار السم لاصق مع الـدي
وان كان عظم الداعيـة مـا تحيـر=اذا اظلمت ماعاد يبقـى لهـا ضـي
واللي حكم في سابق العصـر عبـر=تعبير يعقوب ابن اسحاق يـا بنـي
الظلم ظلمـة وان دخـل دار دمـر=ودنياك ما دامت لحاتـم ولـد طـي
منها السلامـة راس مـال ومتجـر=والقول كني لازم الشمـس بايـدي
واختـم كلامـي بالنبـي المـنـور=صلى عليـه الله مـا سيـر الحـي [/POEM]

4) – وقال بديوي في قصيدة أرسلها لشريف مكة وفيها يتبين ان الشاعر كان يتمتع بعلاقة قوية مع اشراف مكة وانه كان يتعامل معهم بعزة نفس وأنفة الشاعر الذي يعتز بأصله ندا بند يتبين من خلا ل هذا البيت:

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وابدي لك البيضا عدد ريح الافواج=وتمشي ركاب المدح بينك وبينـي [/POEM]

أي ان الشاعر والشريف يتبادلان المدح والثناء وتمشي ركائب الفخر بينهما .

[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياراكب اللي ياخـذ الحـزم مـواج=مـواج دار وتـاه فـي الغبتينـي
يوم استشد الريح ترميه الامـواج=أمـواج بحريضـرب الجالتيـنـي
ضاري على قطع الفيافي وسجـاج=سجاج بين الشـرق والنقرتينـي
محنوني كالقوس منعـاج منهـاج=مثل الهـلال اللـي ولـد ليلتينـي
والا كما سرحان مع فج الافجـاج=والا الغزال اللـي رمـى مرتينـي
يجفل ليا ماشاف ظل العصا مـاج=راعيه مـا يقـدر يمـد اليدينـي
كوره عقيلي مشترينه من الحـاج=والميركـة والخـرج والغرتينـي
ضرب عليه اليا سجا الليل وانساج=وزارت مراسيل الكرى كل عينـي
خله مع الريعين والـدرب مدهـاج=والسيل مره ما مضـى ساعتينـي
واحرم بعمره واقطع الدرب منهاج=منهاج من يمشي على الفرقدينـي
تصبح بمكة حزة الصبـح منبـاج=واسع وطف وصل لـك ركعتينـي
وانص الملوك اللي لهم نور وهاج=نور من المشرق الـى القبلتينـي
تلقى الوفود الهم كما وفـد حجـاج=يوم الثمـان ومصعديـن القرينـي
سلم عليهم واخرج الهرج مخـراج=واعرف مقام الملك في الحالتينـي
واخرج لهم خط طوى طي ديبـاج=هديـة مـن باشـة المحمليـنـي
منظوم فيها ابيات من بحر عجـاج=نظم الجواهر في سلـوك اللجينـي
يا عون يا سيدي وصلت انت فراج=وانا تراني عند سيـدي الحسينـي
حيث ان له عادة وله جود ثجـاج=من معصـرات الجـد والوالدينـي
يا ما عطوا من واسع خيل وابراج=دهـم جمـاح محجـلات اليدينـي
وان جا نهار فيه للخيـل مسهـاج=ونادى بشير الموت في الجمعتيني
ركبوا على ضمر بشادن الابـراج=مصقـلات لبسهـا كـل زيـنـي
وظلا غبار النقع من فوقهـم تـاج=وتصادم الهندي وسمـر الردينـي
كم جندلوا من فارس غير مزعـاج=حامت عليـه الطيـر بالخافقينـي
ورماحهم روس الاعادي لها ازراج=ضد الرماح اللـي لهـا زوجتينـي
يا بن محمد يا غنى كـل محتـاج=ياعيـد مديـون تحمـل بديـنـي
خدامكم شفه مـن المـال سيـراج=والا فرنجيـه لـهـا جبدتيـنـي
حتى يـودي ذكرهـا كـل هـراج=واخبارهـا تـاصـل والعديـنـي
وابدي لك البيضا عدد ريح الافواج=وتمشي ركاب المدح بينك وبينـي
ويفرح صديقي والعدو صاده افلاج=من غبنها دمعة من العين عينـي
وصلوا على من خصه الله بمعراج=محمـد المختـار جـد الحسينـي [/POEM]