المشاركة الأصلية كتبت بواسطة يوسف العصيمي
تحية صادقة للمرقاب زوار واعضاء لكم هذه القصيدة التي اهديها لكل ذائقة شعر
[POEM="font="MS Sans Serif,5,black,normal,normal" bkcolor="white" bkimage="" border="groove,6,sienna" type=2 line=0 align=center use=ex num="0,black""]
حنا وطنا كل ماينخانا=يبطي صدى صوته وهو ماجانا
ياكثرنا عند السوالف لكن=اليانختنا البنت ماتلقانا
على بعضنا مانعرف الذلّه=وعلى الغريب الله لايبلانا
يحتل ارضينا ويفعل فينا=وحنا نغنيله على ليلانا
غنوا يمال الذل ماغنيتوا=على جثثنا وادفنو قتلانا
لاصار لاوحده ولاقوميه=وشلون ماتطوّل يدين اعدانا
يلعب بنا هذا ويلعب هذا=وتضيع بين ارجولهم دعوانا
وحنا ولوجينا نبي ناخذها=حراسنا تهجم على مرمانا
تكفون ياهل الدين واهل السنه=سوا سوات سواتهم ويانا
اما نعيش وروسنا مرفوعه=والا نموت احسن مع موتانا
وانكان لاجبنا ولاودينا=نتّف شواربنا وحك اللحانا[/POEM]
يوسف العصيمي
صح لسانك مدد بيض الله وجهك
الله يعدل الوضع والله يعجل بالفرج
تقبل مروري