منتديات المرقاب الأدبية - عرض مشاركة واحدة

25-05-2007, 08:04 PM

اهتزت الصـوره ورى البـرواز وانهـدّ الجـدار
ولا لمحت اعلـى طـرف حـدّ الجـدار الاّ دمـي
وتبعثرت تركيبـة ايامـي مـع احلامـي الكبـار
وازريت اهج وقيد بنت القلـب يدمـي معصمـي
تعبت لا احسّن مقـام الليـل فـي عيـن النهـار
وأسرف حشايه يكرم جروحي على ضيق نسمـي
افراحي بصدري قطيع أغنام عاشت فـي حصـار
والحـزن ذيـبٍ لاعمـاه الجـوع حـوّل لغنمـي
يـاامّ الخطـا ماعـاد ينفـع للخطـا رد اعتبـار
وانتي خطاك عروقه بصدري وشوكه فـي فمـي
إنهرت من فعلك وانا رجّال ما ارضـى الإنهيـار
وادوس قلبـي لـو يجـرّح كبريائـي بقـدمـي
لايزعجك صمتي .. وانا عشقي بـدرب الإنتحـار
لابس جميع احساسي وروحي وشحمـي ولحمـي
لـو الكـلام يجبّـر المكسـور بعـد الإنكـسـار
ماكان فوق الارض هـاذي شفـت دمعـة آدمـي
ولـو ان حزنـي ينتهـي لا بدّلـت دارٍ بــدار
والله لسافـر لآخـر الدنيـا وحلقـي ماضـمـي
اكبر هزيمه توجـع الإنسـان .. بعـد الإنتصـار
واكبر قهر .. لاصـار باللـي يطعنونـه يحتمـي
وش عاد اسوي يوم هبّت ريحـك وثـار الغبـار
حتى المفتّح ينحسب وسـط الغبـار مـن العمـي
ماغير اعبر عن صدى صدري نهـار الإنفجـار
حتى تغـادر دمعـة عيونـي علـى راس قلمـي
واعسف هواجيسي على وجه الورق عسف المهار
وارسم صهيل اوجاعـي بلونيـن همـي وندمـي
والعب مع الوقت الردي لعبه مثـل لعـب القمـار
احيانـاً يـرزّ علـمـه واحيـانـاً ارزّ علـمـي
حاولت اخلّي للعتـب والعفـو فـي قلبـي مـدار
لكن خطاك مجرّد السيـف الجـري وانـا سمـي
يعني على صوت الصليـل قلوبنـا تاخـذ قـرار
امّا على الوصل أنتمـي ولا علـى البعـد إنتمـي
وان طاحت الصوره من البرواز وانهـدّ الجـدار
الله يسامحنـي عـدد مافـوّر بقلـبـي دمــي

الله واكبر علييييييييييك ياحريف

فيصل والله اني كل مااخترت بيت اعجبني اللي بعده

لذى صار الاقتباس ياخوك...

صح الله لسانك عدد حروف قصيدك كله

تحياتي واعجابي