جديدة أتمنى أن تنال بعض رضاكم

[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]في نبض قلبك قبل لا ألقاك وألقاني=كانت عيوني وخفـّاقي مداويرك!

كنت أختلي بك وأسولف لك عن أحزاني=وأمشي بنبضات قلبي في مشاويرك!

كنت الهوى والدفا والموطن الحاني=كنت الأمل لا إنتشت بالفرْح أساريرك!

حتى لقيتك وحبيتك وخاواني..=قلبك .. وقلبي تقهوى من مباهيرك!

حتى إمتزج حبك بنبضي وشرياني=وشفاهي اليابسه ذابت فأزاهيرك!

حتى إنسكب صوتك ( الآيه ) من آذاني=وغنـّاه قلبي على مسمع تصاويرك!!

حتى إبتديت بوجودك عمري الثاني=اللي رفضت أبتدي به مع حدٍ غيرك!!

حتى تعلّمت أغني لك من ألحاني=شعرٍ تذوب بحلاه أسمى تعابيرك!

واليوم حتى مع إنك صرت تجفاني=ما جا فـ بالي يا ( طفل القلب ) تصغيرك!!

لا زلت أكبّرك .. وتكبّرك قيفاني=وكل ما يخصك معي يسعى لـ تكبيرك!!

ولا زال قلبك تفاصيلي وعنواني=ولا زلت من روعتك أعجز فـ تصويرك!

ولا زلت تبعد .. وتتركني .. وتنساني=ولا زلت أمرّر لأجل حبك معاذيرك!!

هذا أنت يا أغلى محبّيني وخلاّني=دايم تأخّر .. ولا مليت تأخيرك!!

خذ راحتك .. وإختلق عذرك .. وتلقاني= ( النابض ) اللي حلف ما يموت في غيرك!!![/POEM]

أستغفر الله الذي لا إله إلا هو الحي القيّوم وأتوب إليه ..

Ask me