عبدربه

لاهنت على جهودك يابونايف ..

عسى الله أن يبارك فيهــا



مشاركتي معكم هالمره من يوم راحوا الفرّيس !
مشاركتي عن شاعر يعتبر من رموز الشعر إن لم يكن كذلك !
هذا الشاعر أجد في شعره مايروي ظمأي والعالم الله ،
مجرم شعري بحق ومبدع فطري بصدق !

وذو اسم لم يشنّف الأذان كثيراً على ما أعتقد ،
ولكن هذا لايضيره

ذلكم هو الشاعر الرائع :-


























لافي الصيـده !


اليكم قصيدتين له ، وارجو ممّن يعثر له على غيرها اتحافنا بها هنا ، وخاصّةً قصيدة " مــي ! "





هذا مالدي له :-



رائعه عن الواقع الشعري المرير



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله انا داخل عليك من اربعه قبـل اربعـه=يا سامعٍ شكوى مناجينـك وجالـي همهـا
يامرسل طه بديـن الحـق والبشـرى معـه=ياجاعـلٍ مكـة لنـا قبلـه نصلـي يمهـا
البارحه في صدري الهاجوس سوى زعزعه=يوم الشوارد ذيـك يدفعهـا وذيـك يخمهـا
الشعر اقدر شيبته واحـب اقولـه واسمعـه=لاصار يغرف مـن محيطـاتٍ تلاطـم جمها
ماهو بشعر زعيط ومعيط وما خلف الاقنعـه=اللـي يجمّعهـا رفايـد ثـم يجيك يلمهـا
يقول انا شاعر وبيت الشعر اشقـه ورقعـه=لو القصايـد مايميّـز خالهـا مـن عمهـا
لاخم سلك المكرفون وجـاء لحلقـه قرقعـه=يكسر ويجبـر ويتبجّـح والصحـون يرمهـا
يامسلمين الشعر حبك وسبك ماهو جربعـه=والامجـرد سالفـه بيـن البنيـه وامـهـا
والله لأ خالف قول "لو ماطاوعك وقتك طعه"=كيف اقتنع فمْشوّهٍ كـل العيـوب يظمهـا
لاوالله الا ضعت ياشعر النبط فـي المعمعـه=شايف جراحك من غثاء ماجاك ينزف دمهـا
وانا ماني راضي على الغاوي لكن كيف اقنّعه=اصارحه وأقـول قبـل اتمـد كفـك شمهـا
لاوالله الا ارخي عنان البعد يازيـن السعـه=واترك عباة الشعر واخشاش ٍتغربش كمهـا
صحيح من قال الزمن يكشف ماخلف الاقنعه=لو الحقيقة مزعجـه لكـن تجـرّع سمهـا
الطعنه اللي في ظهرك من العـدو متوقعـه=لكن لاجت من صديق امـدح بختـك وذمهـا [/POEM]






رائعه أخرى :-


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عديت رجماً طويـل ومرتفـع هايل=رجـمٍ بدالـي وهيضنـي وعديـتـه
وابطيت في الرجم مدري كيف انا قايل=حتى عوى الذئب من حولي وجاريته
لكن قلـت اذكـرالله والعمـر زايل=وحمدت ربي على ستـره وعافيتـه
ابوي قال انتبه في المشـي تتخايـل=تراء لياشفت نفسك مانت اخو صيته
بالك تعيل احفظ اسمك والطم العايل=واحـذر مـرد الحليـم ليـا تبليتـه
وأن كان مانته لزلت صاحبك شايـل=لارضيت ربك وابوك العود مارضيتـه
رفيقك اللـي تعـزه خسّره حايـل=لكـن لاتحـرج الرجـّال فـي بيتـه
هـذا ونـا دائمـاً بالخيـر متفايـل=ون شح وجه الزمن بالاسم سميتـه
شاعر محنك وبيتـي مايجـي مايـل=اسخّـر الشـعـر واسخّرعفاريـتـه
قصائدي ماتمر اسـواق ابـن دايـل=واللي علـى المردفـه بالخير مسّيتـه
وأن شفت منهو على القانون متحايل=شبّيـت روس الفتيـل ولا ترجّيتـه
طبعي خشن واكره اللي ..لا ماني قايل=شطرٍ ثقيلٍ علـى النطـق وتعديتـه
اعشق فجوج الخلاء والوادي السايل=والصاحب اللـي يشرّفنـي لياجيتـه
وان قمت اسير من الصمّان لاحايل=اخير مـن جـوّ لبنـان وسرابيتـه![/POEM]

سنين العمر مقفيةٍ مطاياها
بعضها راح في عقل وبعضها غي!

ماغير ابحث عن الحكمة ولا القاها
والاول ماترك للي خلافه شيء✋
.....

....

...

..

.