[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]شف بالي كل مازدتله مقدار زاد= كامل الميزات الاميال يطويها طوي
ريف قلباً فيه للهم والهاجس شداد = ماتخليه الهواجيس يوم بلا خوي
ودي ابعد عن مشاهد قليلين الرشاد= خاب خاطب ود من شره لخيره ضوي
ثالث الاعياد فالبعد عن خال الفواد = ميت الاحساس والناع دناع ضروي
الشدايد بينت من ضمر نقطة سواد = انكشف واخزاه رباٌ كشف مايحتوي
يالبيب القلب اخذ مني العلم الوكاد = واترك اهل الهمز واللمز واهل المنجوي
التخضع ذل والنار من راس الزناد = شبها وان ماستوت لك لغيرك تستوي
وان طلبت الزاد ماغير تقوى الله زاد =والحياه امجاد والمؤمن ايفضل قوي
والعدو لاتامنه كهل والا في مهاد = لوتظاهر بالوفا فالخفا يطوي طوي
والتضامن عز والشر منشاه العناد =والردي والعبد ينكر اليا شبع وروي
والصبر بحدود واليا نفد والكيل زاد = مال خده غير خمس اتهويبه ويهوي
والخطا مذموم والخوف من رب العباد =والدوا لدا شفا واخر الطب الكوي [/POEM]