منتديات المرقاب الأدبية - عرض مشاركة واحدة

30-05-2007, 09:48 PM

.
.

الله الله

ياعيطموس الشعر وش مفهومه
ارضيت قيفاني وانـا زعلانـي
سهرت ليل الصيف اعد نجومـه
يا قصر ليل الصيف لو ودانـي
يم المـدار ولاعرفـت رقومـه
وارسلت له رقمي مع العنوانـي
وشفت النجوم السارية منظومـة
وعديتهن ميـر العـدد يخفانـي
ورجعت اشوف الذاكرة منجومة
واضن كبر السـن قـد نسانـي
تهت الطريق و خطتي مرسومة
يوم انتهى بي هاجسي ما امداني
و اثر المشيب مشتتين حلومـه
جاني بحلمي واحـد(ن) نادانـي
قال انت ياللي مهتنـي بالنومـه
ليتك تفسر حلـم قـد صحانـي
بنت(ن)تصيح تقول انامظلومـة
لا تزرعون الخوف في وجدانـي
مهما كسا جو الغـرام غيومـه
تمطر مشاعرنا غضـب تنعانـي
تدرج رحى الايام ولهـا زومـه
والنوم قالوا في المثل سلطانـي
ياشرقنا اللي مبلشـه برشومـه
يطرد ورى الرابح وهو خسراني
شبت شبوبة والـدول ملغومـة
من كوريا المطلب خضوع إيراني
والعالم اللـي حاكمـة محكومـة
يـا سوريـا بوابتـك لبنـانـي
خطة تحاك وخارطـة مختومـه
والحزب جاب العيد قبـل يدانـي
وعطيتـه التفسيـر والمعلومـة
يا مبتلـش لا تنشـد البلشانـي
دام السيوف الصارمـه مثلومـة
كتّم على حلمك تـراه اشقانـي
البنت صاحت صيحة(ن)مزعومة
لا تستثيـر العاطفـة للجـانـي
ستين عام نعيش فـي ديمومـة
ولا نعرف الصاحب من القوماني

يا سلاااااااااااااااااااام يا أبو منصور .. !

صح الله الساااااااااااانك ملايييييييييييييييييييييييين طال عمرك .. !

أسلم وسلم

.