السلام عليكم يا هل الشعبي وزواره الكرام
للتواصل فقبلوها كما هي


صلو على النبي ولعنوا أبليس


[POEM="font="Simplified Arabic,5,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
صلوا على محمد ولا أحد يعصاني=ولا خير فاللي يعترض ويعصاني
أخير مبدأ عقب ما سبح الله=على الرسول يجود منطق لساني
خير البشر أنزل على الكون كله=صلى عليه المؤمن أول وثاني
هذا وأنا شاعر يثمن كلامه=يبني بيوته بالهروج السماني
ما هو كبر لا والله إلا مثابر=يتعب على تنقيح ثمر المعاني
أكيد أنتوا حسب ضني وعرفي=تعجبكم الكلمة من أقصى المحاني
البيت لا من مر بالذهن مني=أعطي على تخليد ذكره ضماني
أبا أتغزل والغزل ينعش الروح=للي هواها خالدٍ في كياني
حبٍ تربع وسط جوفي من أول=ما أبصرت بالدنيا وربي سقاني
عذرا تتل الروح وأحبها حيل=حبٍ لو أهلك دونه أسعد ما جاني
الفاتنة تغري وتغري وتغري=لا شك ما هي مغريات الغواني
أحبها حبٍ جنوني ولا أطيع=من لا مني في حبها أو هجاني
أدري معي في حبها ناس واجد=والحب سابيهم مثل ما سباني
راضي بهم والله محلل هواهم=لا شاركوني في هواها تراني
أنقاد معهم كل هذا وأنا أدري=إن الحكي يحتاج مني بياني
لحدٍ يضن إني هبيلٍ وأهلوس=ولا وسط راسي جنون يحداني
هذي نظر عيني وهذي هي اللي=فيها رفعت اليوم قدري وشاني
وليا تلقف واحدٍ ثم لي قال=الهرج ذا يحتاج له ترجماني
قلت أبشر ويا ميت القلب هذي=أبلادي اللي حضنها هو حواني
بأرض الكويت إليا بغيت أتغزل=يتعب لساني ويعجز ما حكاني
داري وأنا في حبها لو تماديت=معذور عندي مثل خضر ألجناني
ما هي علينا بالعطايا بخيله=إلا نهر يروي ضما كل عاني
روحي فدها والعيال وحلالي=لسوراها وترابها ولمباني
لو قربوا سودان الوجيه منها=وقف لها القاصي معا كل داني
حول القيادة نجتمع ونتلاحم=هذي عوايدنا من أول وثاني
صفٍ موحد والحكم للصباحي=لو يزعل صغير وكبير ألأذاني
كل الولاء للدار وأخوان مريم=حكامنا في عسر ولا لياني
رأس الحكم يزهاه شيخٍ معرب=من نسل شيخان الحصون آلمتاني
صباح لا وقف شموخه يزعزع=يرهب سلاطين الدول في ثواني
سيلٍ ليا منه تحدر على الجال=ساوى رفاع الأرض ويا الطماني
شيخٍ على العزة مربى وضاري=ما شاخ بالقوة وضرب ألسناني
خذا الحكم بالشور والشعب راضي=بيعة ولا بيعة محبة وأماني
يفداه من سلط على الشعب سيفه=اللي حكم شعبه بذل ومهاني
حنا على عز ومعزه ربينا=ونمد أيدنا في كبار الصواني
من فضل ربي ثم فضل الصباحي=الطير غرد فوق روس المباني
نعمه وأمان ونحمد الله عليها=ولا يدوس النعمة إلا ألجباني
دايم على العزه نسوق القدم سوق=ولا يزعزعنا الجبان الأناني
ناسٍ تبي صفو الأمان يتعكر=يا كثر ما فيهم خباث ولعاني
واحدهم ليا جاك فكره مغيب=يجر من حلقه مجر السواني
عكس اتجاه الخلق عقله مسير=ما عاد يميز عشرها والثماني
الدين ما هو ذبح ولا معارك=ولا بشل الدرع والصيرماني
فيه التسامح والمحبة لأنه=فينا زرع رحمة وحب وحناني
لعبوا عليه وصدروا له فتواي=عطوه فالجنة ضمان ومكاني
مسكين ضاع وضيع الله دليله=مبلي عسا منهو بلاه يهداني
الله يجير الدار من كل عابث=ولا نعيش بذل معه وهواني
القاف تم وما قريته قراني=ما كان في صدري يترجم لساني

[/POEM]


وسلامتكم من كل شر

سبحان من بيده العالم
يسير قدام وخلافي

من ذا الزمن ما حدٍ سالم
الوضع بين وينشافي


gbran16@hotmail.com